- Најпријатното изненадување досега сезонава во Премиер лига, Сандерленд е силно погоден со отсуства на играчи од Африка кои отпатуваа на тамошниот најголем спортски настан - Куп на африкански нации 2025.
- На Сандерленд во продолжение од сезоната, најмалку во следните 20-ина дена ќе му фалат дури шест првотимци: Артур Масуаку и Ноа Садики (ДР Конго), Реинилдо (Мозамбик), Хабиб Диара (Мали), Чемсдин Талби (Мароко) и Бертран Траоре (Буркина Фасо). Сите се во Мароко на КАН 2025.
- Мохамед Салах малку ќе се олади од турбулентниот период во Ливерпул и сега ужива во фудбалот со неговиот Египет. Манчестер Јунајтед ќе остане без тројца фудбалери: Нусар Мазрауи, Брајан Ембуемо и Амад Диало (стрелец на победнички гол за Брег на Слонова Коска против Мозамбик).
- Од Франција дури 51 фудбалер од Лига 1 е на Африкански Куп на нации но француската лига отиде на зимска пауза и паметно ќе го избегне овој период до 2-ри јануари кога повеќето од играчите веќе би требало да се враќаат (тогаш ќе се игра нокаут фаза во Мароко).
- Од Серија А на КАН 2025 се 21 фудбалер, од Бундеслига 18 играчи а од шпанска Ла Лига 15 во вкупно 24 репрезентации на големиот турнир во Мароко.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
- И покрај тоа што беше веќе потврдено дека некогашниот капитен и легенда на Севиља и Реал Мадрид ќе купи мнозински пакет акции во андалузискиот клуб, луѓето од клубот се откажале и ги допратиле до врата. „Договорот е прекршен и пропадна“, така рекол извор од клубот Севиља за последниот состанок меѓу инвестициската група на Серхио Рамос и луѓето од клубот.
- Рамос и неговите партнери претставиле значајни измени на договорот постигнат на 12-ти мај во кој се обврзале дека ќе платат 450 милиони евра, ќе го смалат признатиот јавен долг од 88 милиони евра за 80% од акциите на клубот“, рекол неименуван извор и додал: „Рамос после дојде со нова идеја: да купи околу 30.000 од акциите за 100 милиони евра, а договорот беше да купи 86.000 акции. После ова групата на Рамос предложила да ја зголеми сумата на 120 милиони но за 42% од акциите.
- „Бевме шокирани зошто сакаше да ја купи Севиља за едвај речиси 100 милиони евра, па после да изврши зголемување на капиталот од нешто повеќе од 100 милиони евра и на акционерите да им плати многу помалку. После ова состанокот беше распуштен“.
