- Најдобриот светски тенисер ја започна и 405. недела на прво место на АТП листата. Се наближува и официјалниот почеток на новата сезона. Новак Ѓоковиќ најпрво ќе игра ревијален, егизбициски меч со Карлос Алкараз во Ријад (Саудиска Арабија) na 27-ми декември, а потоа ќе патува во Перт (Австралија) каде ќе биде дел од тимот на Србија на Јунајтед Купот. Шесте најдобри селекции на светот според ранг листа ќе играат на овој турнир.
- Првиот официјален меч од новата сезона Ѓоковиќ треба да го игра во недела (31-ви) декември со почеток во 10 часот по Средноевропско време токму на тој Јунајтед Куп. Треба да игра против Кинезот Џижен Жанг - во моментов 58-ми тенисер на светот. Жанг ги освои Азиските игри, а во Хамбург стигна до првото полуфинале во кариерата, па во Мадрид стигна и до четвртфинале.
- Првиот Гренд слем турнир на сезоната, Австралија Опен почнува на 14-ти јануари. Ѓоковиќ најави дека ќе игра во Мелбурн.
- Фудбалската федерација на Македонија го претстави новиот дрес на репрезентацијата изработен од „Адидас“, а во рамките на „UEFA Kit Assistance Scheme“.
- Десет репрезентации од Европа ќе настапуваат со дресови дизајнирани во сличен тон, со своите национални обележја, а една од нив ќе биде и Македонија. Во следните две сезони, избрани национални селекции, вклучувајќи ја и Македонија, ќе носат уникатни дизајни на „Адидас“, развиени во тесна соработка со соодветните асоцијации. Програмата „UEFA Kit Assistance Scheme“ игра клучна улога во поддршката на националните асоцијации, обезбедувајќи пристап до високоперформансна спортска опрема прилагодена на нивните потреби.
- Домашниот дрес останува со црвена основа, а по целиот дрес ќе има жолти елементи. Што се однесува до гостинската гарнитура, таа ќе биде со бела основа и ќе има сиви квадрати.
- Ама на Таџикистан...
- Поранешниот селектор на Македонија, Игор Ангеловски, се враќа на репрезентативната сцена и повторно ќе предводи национален тим, првпат по заминувањето од македонската клупа.
- Неговиот нов предизвик ќе биде селекцијата на Таџикистан. Таму Мрме ќе ја преземе улогата селектор со јасна цел, подготовка за Азискиот куп во 2027 кој ќе се одржи во Саудиска Арабија. Помошници на Ангеловски во Таџикистан ќе му бидат Милан Илиевски и Иван Јовановски.
- Ангеловски по разделбата со Македонија имаше интернационално искуство на клупско ниво, работејќи во Горица, Каспиј и Етникос Ахна, а сега повторно се враќа на селекторска функција.
