- Во триумфот на Голден Стејт Вориорс над Хјустон Рокетс 106:95, Стеф Кари беше најефикасен со 24 поени, 7 скока и 6 асистенции а 19 поени со 4 скока запиша и Клеј Томпсон. Тој синоќа влезе на вечната листа од Топ10 најдобри тројкаши во историјата на НБА.
- Томпсон ја запиша 2.223 тројка во кариерата. Пред него 9-ти на листата е Леброн Џејмс со 2.266. Неприкосновено прв е клупскиот колега и другар на Клеј, Стеф Кари со 3.407 тројки и се очекува уште да го зголемува водството.
- Втор е Реј Ален со 2.973, трет Џејмс Харден со 2.754 а четврти Реџи Милер со 2.560 погодени тројки. На листата во првите 30 има легенди како Дирк Новицки и Предраг Стојаковиќ.
- Протестите на навивачите на Лацио против Клаудио Лотито се одразуваат и финансиски врз клубот.
- Во првата кампања за обновување на сезонски билети, регистрирани се околу 2.000, што значи скоро 28.000 сопственици на сезонски, засега избраа да не ги потврдат своите места на стадион.
- Оваа бројка се однесува само на првиот дел од кампањата и затоа не го претставува конечниот број за сезоната 2026/27.
- Помеѓу 2022 и 2026 година, навивачката база беше стабилна со околу 30.000: 26.193 во 2022/23, 30.333 во 2023/24, 29.036 во 2024/25 и 29.918 минатата сезона. Континуитет кој сега ризикува нагло да биде прекинат.
- Откако Жозе Мурињо одлучил дека за младиот талентиран центарфор Гонзало Гарсија нема место во екипата и нема да добива доволно минутажа, кралскиот клуб брзо му најде нова средина.
- Англиски Фулам плаќа 70 милиони евра за потписот на младиот 22-годишен Шпанец роден во Мадрид.
- Како што пишува Кадена КОПЕ, фудбалерот кој на 39 настапи постигна 8 гола од кои 6 во Ла Лига минатата сезона, набрзо ќе се пресели на „Крејвен Котиџ“.
- Реал Мадрид заработи повеќе од сто милиони евра од продажба на играчи од нивната академија. Нико Паз замина за 60 милиони евра, Виктор Муњоз за 20 милиони евра, Алваро Родригез за 12,5 милиони евра, Рафа Мартин за 15 милиони евра, Алекс Хименез за 12,5 милиони евра, Марио Мартин за 3,5 милиони евра и Фран Гарсија за 4 милиони евра. Вкупно околу 107,5 милиони евра заработка.
