• Како беше она, вода стои, Роналдо и Меси не стојат. И на 40 и 38 години, гајле немаат со кондиција и форма и ги поместуваат границите во светскиот фудбал.
• Португалецот против Унгарија постигна два гола (број 947 и 948 во кариерата) и стигна до 41 гол во квалификациите на Светските првенства, што е рекорд. Втор е Карлос Руиз од Гватемала со 39, а Меси е трет со 36.
• Аргентинецот пак на мечот со Порторико асистираше два пати и стигна до рекордни 60 асистенции во историјата на репрезентативниот фудбал. Го мина Нејмар кој има 59, а Ландон Донован има 58.

Португалија ремизираше со Унгарија, нови два гола на Кристијано Роналдо

фото: Epa Images 

• Следната година Светското првенство 2026 ќе се игра во САД, Мексико и Канада. ФИФА го прошири Светското од 32 на 46 репрезентации и ова ќе биде најголем Мундијал до сега во историјата.
• Има уште да се игра од квалификациите но од некои континенти веќе пласман обезбедија покрај домаќините САД, Мексико и Канада уште и Австралија, Иран, Јапонија, Катар, Саудиска Арабија, Јужна Кореја и Узбекистан од Азија, од Африка за сега се: Алжир, Зелено'ртски острови, Египет, Гана, Брег на Слонова Коска, Мароко, Сенегал, Јужна Африка и Тунис, од Европа сигурна е Англија, од Океанија Нов Зеланд, а од Јужна Америка: Аргентина, Бразил, Колумбија, Еквадор, Парагвај и Уругвај.