Offside › Набрзинка

Кевин де Брујне со емотивна порака се збогува со Сити

4 април 2025

Белгискиот репрезентативец Кевин Де Брујне со емотивна објава најави дека заминува од Манчестер Сити на крајот од тековнава сезона. Де Брујне беше прав лидер и капитен на екипата со која освои бројни трофеи. Тој одигра повеќе од 300 натпревари во сите натпреварувања, постигна 70 погодоци во Премиер лига и дури 118 асистенции за гол.
Де Брујне освои шест титули во Премиер лига и еден трофеј во Лига на шампиони. Има уште и пехари во ФА Купот и Лига Купот.
Го барав мојот сон, но не знаев дека овде ќе добијам многу повеќе отколку што очекував. Овој клуб, овој град и овие навивачи целосно го променија мојот живот. Семејството доби огромна поддршка и љубов, затоа секогаш ќе можеме да речеме дека Манчестер е наш дом.

Не знам како поинаку да ја изразам љубовта и благодарноста до сите во клубот и градот. Благодарам на сите соиграчи, тренери и пријатели. Секоја приказна има свој крај, среќен сум што оваа е навистина успешна“, напиша Де Брујне.

извор

Срам пред Европското првенство: Хрватска не ги пушта руските гимнастичари - не им дале виза

10 август 2026

Голем скандал го потресува Европското првенство во спортска гимнастика кое во четврток почнува во Загреб. Хрватска нема да ја прими руската репрезентација во цел состав зошто на дури 9 членови не им била одобрена виза за влез и престој во земјата.
Меѓу оние кои ќе го пропуштат Европското првенство е и Ангелина Мељникова, најголемата ѕвезда на светската гимнастика.
Мељникова (26) во кариерата освои три светски титули, олимписко злато на Олимписките Игри во Токио во 2021-ва. Виза не добила уште една олимпијска шампионка, Русинката Викторија Листунова.
„Селективно издавање визи претставува елиминација на еден од главните конкуренти“, рекле од Рускиот гимнастичарски сојуз.
Ним велат најпроблематично е што не добиле баш никакво образложение зошто визите се одбиени на 9 члена на репрезентацијата на Русија.
Турнирот во Загреб ќе трае до 23 август и ќе има околу 600 натпреварувачи.

извор

РК Вардар 1961 пушта во продажба сезонски карти за 3 натпреварувања во 2 сали

10 август 2026

РК Вардар ги информира своите навивачи дека цената на сезонскиот билет за натпреварувачката сезона 2026/27 ќе изнесува 4.500 денари:
Со сезонскиот билет ќе бидат опфатени сите домашни натпревари на РК Вардар од групната фаза во Лигата на шампионите, како и сите натпревари од домашното првенство и Регионалната лига.
Продажбата ќе започне за неколку дена. Во моментов се тестира платформата за продажба, а клубот дополнително ќе ја информира јавноста за точниот термин кога навивачите ќе можат да ги купат своите сезонски билети.
За натпреварите што ќе се играат во СЦ „Јане Сандански“, секој сопственик на сезонски билет ќе има свое место, кое ќе може да го одбере при купувањето. Во оваа сала ќе се играат сите домашни натпревари од Лигата на шампионите, како и дерби средбите против Еурофарм Пелистер, Охрид и Алкалоид во регуларниот дел од сезоната и во разигрувањето за титулата. Во „Јане Сандански“ ќе се играат и натпреварите од Регионалната лига за кои ќе има поголем интерес од публиката.
Секој сопственик на сезонски билет ќе добие пластифицирана сезонска карта, која ќе важи за сите натпревари вклучени во пакетот.
По завршувањето на продажбата на сезонските билети, ќе започне продажбата на поединечни билети за секој натпревар.

извор