- Пред првиот натпревар од баражот за 1/8 финале во Лига на шампиони меѓу француските клубови во Лига на шампиони Брест и ПСЖ кои гостите го добија 0:3, за реваншот во Париз цената за картите тогаш изнесувала меѓу 190 и 390 евра! Откако Дембеле и другарите победија со три гола разлика, цените паднале на 48, 69 и 111 евра што е далеку поприфатливо. Не е ни чудно што парискиот великан е втор во Европа по заработка од продадени влезници.
- Картите за реваншот Реал Мадрид - Манчестер Сити на „Сантијаго Бернабеу“ чинат меѓу 115 и 245 евра во зависност од квалитетот на местото.
- Германија е нешто благо поевтина благодарение на навивачите кои чуваат „логорски оган“ околу светото правило за 50+1% пакет акции во корист на членовите на клубот односно самите навивачи, па така Борусија Дортмунд - Спортинг Лисабон може да се гледа за цена од 82 до 108 евра. Но на култната трибина „Жолт ѕид“ каде стојат најжестоките навивачи, цената на влезница е 75 евра.
- Во Серија А има голема тренерска вртелешка летово. Масимилијано Алегри е старо-нов предводник на Милан, Џан Пјеро Гасперини отиде во Рома а на негово место Аталанта денес го постави хрватскиот тренер Иван Јуриќ.
- На големо изненадување на италијанската јавност, Аталанта се реши за Јуриќ и му дала 2-годишен договор. Јуриќ (49) досега водеше неколку италијански клубови меѓу кои Кротоне, Џенова, Палермо и Торино. Беше неколку месеци во Саутемптон каде забележа бројни порази и доби отказ од тимот кој испадна во втора лига.
- По сјајните златни одличја на РК Вардар 1961 кој стана двократен европски шампион во Лига на шампиони и ЖРК Кометал Ѓорче Петров кој исто ја освои европската титула, РК Алкалоид денес стана првак во Европскиот Куп на ЕХФ.
- По одлука на Европската куќа на ракометот, епилогот од реванш мечот меѓу Алкалоид и АЕК е службена победа на скопскиот тим 20:0 што значи дека „фармацевтите“ се нови шампиони во Европскиот Куп.
- Кире Лазаров стана прв македонски тренер со освоен европски трофеј. Претходно Вардар 1961 го водеа Раул Гонзалес и Роберто Гарсија Парондо до евро-титулите а Кометал Ѓорче Петров освои со рускиот стратег Александар Панов.
