Offside › Набрзинка

Какви казни побара обвинителството за Блатер и Платини?

16 јуни 2022

Сојузниот кривичен суд во Белинзона, на 8 јули ќе ја донесе одлуката за долгата сага со Сеп Блатер и Мишел Платини, поранешни први луѓе на ФИФА и УЕФА.
Им се суди за незаконска исплата од 2 милиони долари кои Блатер му ги дал на Платини во 2011-та за консултантски услуги.
Швајцарското обвинителство синоќа побара само условна затворска казна од 20 месеци и за двајцата.

20 мај 2025

Јирген Клоп сензационално се поврзува со нова тренерска работа во италијанската престолнина.
Угледниот италијански весник Ла Стампа тврди дека легендарниот стратег на Ливерпул, во неделата на 18 мај во 22:57 часот му дал согласност на претседателот на Рома, Ден Фридкин.
Се зборува за голема револуција во составот, кој ќе претрпи бројни промени, а советник на Клоп ќе му биде токму Раниери.
Клоп лани се повлече од тренерската улога и стана координатор на клубовите на Ред Бул.

20 мај 2025

Утрово изненадувачка вест стигнува од Фудбалскиот сојуз на Србија кој до српските медиуми пласирал вест дека репрезентацијата на нашиот северен сосед ќе ја пречека велесилата Англија на новиот стадион во Лесковац.
Интересно стадионот „Дубочица“ има капацитет од само 8.000 гледачи. За разлика од белградските стадиони „Рајко Митиќ“ и стадионот „ЈНА“ кои редовно се полу-празни кога на нив игра српската репрезентација, стадионот во Лесковац секогаш е преполн до последно место.
Натпреварот Србија - Англија во рамки од квалификациите за Светско првенство 2026 е закажан за 7-ми септември. Претходно селекторот Драган Стојковиќ и Србија ги чека исклучително тешко гостување во Тирана против Албанија на почетокот на месец јуни.