- Медиумите од англиско говорно подрачје неуморно и натаму го поливаат со катран и перје домаќинот на Светско првенство 2022 Катар, иако неколку страни меѓу кои и главниот човек на ФИФА во времето кога Извршниот одбор гласаше за кандидатите за домаќинство, Сеп Блатер кажа дека „веќе е доцна“ и дека одлуката да ѝ се даде домаќинство на оваа земја е донесена во 2012-та, не синоќа.
- Англиските медиуми секојдневно пишуваат за кршење на човековите права и илјадници невини жртви претежно од Непал, Филипини и други околни земји кои работеле во најтешки услови при изградба на стадионите за потребите на Светското првенство.
- Со неколку документарни емисии се поткрепуваат овие тврдења, но како што кажа тренерот на Севиља, Аргентинецот Хорхе Сампаоли, „требало да се мисли на време“ а не сега на една недела пред Мундијал.
- Претседателката на Мексико Клаудија Шејнбаум пред неколку дена изјави дека Мексико е спремен да го одржи Светското првенство и дека не постои никаков ризик од одложување и преместување натпревари поради честите криминални пресметки меѓу бандите и полицијата.
- Но Светскиот Куп за скокови во вода закажан за следната недела во Мексико е откажан од безбедносни причини. Натпреварувањето требаше да се одржи од 5-ти до 8-ми март во градот Сапопан во близина на Гвадалахара во државата Хелиско. Но токму во оваа држава од минатата недела изби масивно насилство на бандите по убиството при обид за апсење на Намесио Осерега Сервантес познат како „Ел Менчо“, најпознатиот водач на озлогласениот нарко-картел „Халиско Нова генерација“ (CJNG).
- Бандитите веќе неколку дена палеле автомобили и блокирале улици со запалени автобуси во речиси 12 мексикански држави а властите тврдат дека најмалку 70 лица загинале во престрелките со полицијата.
- Најдобриот стрелец во историјата на Реал Мадрид и во историјата на репрезентативниот фудбал, Кристијано Роналдо купил 25% од акциите на шпанскиот второлигаш Алмерија.
- Португалецот кој игра за Ал Наср купил пакет акции преку неговата фирма CR7 Sports Investments. Роналдо на крајот од 2025-та стана првиот фудбалер-милијардер. Неговото богатство се проценува на 1,4 милијарда долари.
- Шпанскиот клуб АЛмерија е на трето место во втората лига Сегунда дивизион со одлични шанси до крајот на сезоната да обезебди пласман во елитната Ла Лига.
- Огромно задоволство од влегувањето на Роналдо во Алмерија изразил и првиот човек на клубот, Мохамед Ал Кереиџи, сопственик на садуиската СМЦ Група.
