- Иако се чинеше дека после Левандовски, Баерн Минхен тешко ќе пронајде центарфор што така добро ќе му легне на клубот, изминатото лето во Баварија за 100 милиони евра дојде сјајниот капитен на Англија и Тотенхем Хари Кејн и покажа каква класа е.
- Хари Кејн постигна 24 гола на 21 меч во сите натпреварувања досега сезонава за Баерн што го става во многу книги на рекорди во клупската историја. Германците очекуваат тој да блесне уште посилно откако во Минхен каде за сега е сам, ќе му се придружат уште и сопругата Кети Гудланд и нивните четири деца.
- „Тој е толку добар, предобар! Не само на теренот, тој е лицето на Баерн Минхен. И не само во Германија, туку тој е добар за Бундеслигата, меѓународно не прави поприсутни, поинтересни. Хари има 20 гола во Бундеслига на 15 меча, најдобар стрелец е. Тој е врвен амбасадор, подобар од Англија не можевме да имаме во моментов“, вели Лотар Матеус, легендата на Баерн.
- Новак Ѓоковиќ објави дека негов нов тренер кој ќе го спрема за Австралија Опен и за некои други турнири е неговиот добар другар од детство и долгогодишен ривал на тениските терени Енди Мареј.
- Легендарниот шкотски тенисер ја заврши својата богата кариера на Олимписките Игри во Париз а сега ќе заплива во тренерски води и ќе соработува со Новак Ѓоковиќ.
- Србинот и Мареј во кариерата одиграа 36 меѓусебни дуели. Ѓоковиќ славеше на 25 меча а 11 пати подобар беше Мареј. Енди во кариерата освои две титули на Вимблдон и една на УС Опен а има и две олимписки злата кои ги освои во 2012 и 2016.
- „Возбуден сум што еден од моите најголеми ривали ќе биде со мене од иста страна на мрежата, овојпат како мој тренер. Се радувам што сезоната ќе ја започнам заедно со Енди и што ќе биде со мене баш во Мелбурн каде делевме многу исклучителни моменти во кариерата“, изјави Новак Ѓоковиќ.
- Во самиот финиш од мечот Романија - Косово во Лига на Нации, гостинските фудбалери во 90' минута кога сфатија дека немаат веќе шанса за прво место за кое им требаше победа од најмалку три гола разлика, при резултат 0-0 решија да го напуштат теренот поради тоа што домашните навивачи им скандирале „Косово е Србија“.
- УЕФА неколку дена го разгледуваше случајот, а на крајот пресуди Романија службено да го добие мечот со победа од 3:0. Косовскиот фудбалски сојуз е казнет и со 6.000 евра парична казна поради тоа што репрезентативците ги одбивале повиците на делегатот да се вратат на теренот и да го довршат мечот.
- Романија ќе мора да плати 128.000 евра и еден меч ќе мора да игра без присуство на публика поради односот на своите навивачи.
