- Четириесет и едно годишниот Шпанец Алберт Риера кој се прослави со настапите за Ливерпул, Манчестер Сити и Бордо, веќе неколку сезони е тренер. Дека има огромен талент за тренерска професија Риера покажа во Словенија каде со Олимпија Љубљана на убедлив начин стигна до двојна круна, титула и Куп.
- Навивачите и јавноста се вљубиле во неговиот начин на водење екипа, сите го ценеле, но од управата за продолжение на договорот му понудиле дил за процент од продажба на фудбалери. Тој категорично одбил, се згрозил и заминал во Целје, големиот ривал на Олимпија каде продолжил да победува.
- Синоќа лут и револтиран од лошата состојба на фудбалот во Словенија заминал да го води некогашниот француски гигант а сега второлигаш Бордо.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
