- Хрватскиот шампион Ријека во само неколку недели го сроза угледот кој Динамо Загреб со години го градеше во Европа со сјајни учества во Лига на шампиони и Лига Европа.
- Ријека прво беше елиминирана од бугарски Лудогорец во 2. квалификациско коло за Лига на шампиони, а синоќа изгуби во 3. коло за пласман во Лига Европа и тоа од ирски Шелбурн 1-2!
- Реваншот се игра во Даблин за една недела, а победникот од овој двомеч ќе игра во баражот за пласман во Лига Европа против ПАОК или Волфсбергер.
- Шаховскиот клуб Алкалоид во последното, 7. коло од Екипното првенство на Македонија со нерешен резултат 3:3 успеа да ја освои 27-та титула во клупската историја, а 13-та во низа.
- Најтрофејниот шаховски колектив на Македонија на крајот ја затвора сезоната на прво место со 13 бода (6 победи, 1 нерешена), а ШК Мулти Есенс е втор со 12 бода на крајот (5 победи и 2 нерешени меча). Обете екипи се непоразени во првенството.
- За првакот Алкалоид играа интернационалците ВМ Александар Инѓиќ (актуелен европски шампион) и ВМ Велимир Ивиќ на првите две табли. Настапија уште и ИМ Филип Панчевски, ИМ Емил Ристески, ИМ Тони Лазов, ВМ Трајко Недев, ВМ Звонко Станојкоски и ВМ Драгољуб Јачимовиќ. Алкалоид доминира во македонскиот шах зошто титулата во женска конкуренција ја освои женскиот тим на Алкалоид предводена од ИМ Лела Јавакишвили и ВМ Бела Котенашвили, ЖИМ Габриела Коскоска, ЖФМ Моника Стојковска, ЖФМ Моника Жежовска и Леа Ефтовска.
- Италијанскиот фудбалски сојуз (FIGC) и Серија А си дадоа рака за договорот според кој на играчите на екипи кои испаднале во втора лига Серија Б платите ќе им бидат намалени за 25%.
- Овој договор ќе важи 5 години. Намалувањето плати има за цел да го ублажи големиот финансиски притисок врз клубовите кои ќе испаднат од Серија А и ќе се применува на сите договори по 2. септември 2025-та година.
- Во договорот стои ставка и дека ако екипата оствари промоција назад во Серија А, намалените плати ќе бидат вратени во својата изворна вредност како претходно со 25% повеќе.
