Offside › Набрзинка

Интер зема голем талент на Динамо Загреб

3 февруари 2025

Дваесет и едно годишниот Петар Сучиќ неделава во Милано треба да изврши лекарски прегледи и да потпише договор со миланскиот гигант Интер, но до јуни ќе остане член на Динамо Загреб.

Интер за хрватскиот репрезентативец ќе му плати 14 милиони евра на Динамо Загреб со што ова ќе стане шести најскап излезен трансфер на модрите во нивната клупска историја.

извор

Апел на Лазаров до клубовите и репрезентативците

3 февруари 2025

„Нашите репрезентативци доаѓаат и ќе доаѓаат од македонската лига бидејќи е квалитетна. Физичката кондиција не се стекнува преку ноќ, па затоа апелирам сега во време кога ни растат апетите и амбициите, во време кога создадовме квалитетен производ, сите да работат на прилагодување на трендот – брз ракомет.
Да се посвети внимание на репрезентативците во делот на кондиција во иднина, но и самите играчи кои го носат националниот дрес да вложуваат во себе за да го издржат физичкиот предизик на големите натпреварувања.
Анализите покажуваат дека просечниот напад на една репрезентација од Топ 10 трае околу 30 секунди, додека во послабите репрезентации тој е 45 секунди. Во нашето првенство имаме напад кој трае 1:15 или 1:45. Мора ова да се промени и сите да помогнат за да ракометаритe го издржат ритамот на еден ваков силен турнир“, објасни Лазаров во студиото на МТВ за време на мундијалското финале.

извор

Дански репрезентативец: „Хрвати, не ви е ова Загреб да ви попуштаат судии“

3 февруари 2025

Данска е светски шампион откако во големото финале на ракометниот Мундијал ја совлада Хрватска 32:26. Финалето се играше во Осло а Данците по четврти пат по ред, рекордно стануваат светски прваци.
Репрезентативците на скандинавската земја се жалат и во изјавите рекоа дека биле шокирани од грубиот и насилен пристап на хрватските ракометари кои добија црвен картон и неколку исклучувања.
Марко Мамиќ агресивно го фаулираше Расмус Лауге и доби црвен картон. Матео Мараш намерно го згазна Матиас Гидсел додека овој лежеше на паркетот.
Данскиот ракометар Симон Питлик влезе во расправија со хрватските ракометари на теренот а по мечот изјави: „Хрватите тоа може да го прават и користат во Загреб каде судиите беа на нивна страна. Тоа е единствен начин на кој можат да не победат. Не им упали зошто бевме попаметни“.

извор