- После 24 годишна величествена кариера проследена со богатство од вкупно 35 трофеи, кои го прават најтрофеен шпански фудбалер во историјата, легендарниот Андрес Иниеста оди во целосно заслужена играчка пензија.
- Почна во Ла Масија, па преку Б тимот на Барса, на 18 години стана дел од првиот тим со кој се вивна до височините, освојуваќи ги сите можни трофеи, а од 2018-та се реши за јапонска авантура.
- Иниеста има 29 трофеи со Барселона, меѓу кои две тројни круни, потоа 3 со Висел Кобе и 3 со Шпанија.
- Врвот на репрезентативен план го достигна како една од главните алки во играта на незапирливата Шпанија која доминираше со две европски (2008 и 2012) и една светска титула (2010).
- Игор Ангеловски беше претставен за нов селектор на Таџикстан, селекција која поранешниот предводник на македонската репрезентација ќе ја води во Азискиот куп наредната година.
- Во неговиот стручен штаб се Милан Илиевски и Иван Јовановски со кои соработува долго време и кои дел од историскиот пласман на ЕП 2020.
- „Ова за мене е нов предизвик. Сакам веднаш да кажам: критикувајте ме само мене, не играчите и не Федерацијата. Целата критика нека биде насочена кон мене. Свесен сум за одговорноста што ја носи селекторската функција. Ќе направиме сѐ што можеме за да ги израдуваме навивачите и достоинствено да го претставуваме Таџикистан на меѓународната сцена“, порача меѓу другото популарниот Мрме.
- Еден од најтрофејните тренери во историјата, Карло Анчелоти го обнови договорот со Бразил до 2030 година. 66-годишниот Италијанец кој седна на клупата на Бразил во мај 2025-та откако го напушти Реал Мадрид, ја спрема репрезентацијата за Светско првенство.
- „Стигнав во Бразил пред една година. Од првата минута сфатив колку фудбалот и значи на оваа земја. За една година сработевме да го донесеме Бразил назад во светскиот врв но фудбалската федерација и јас сакаме повеќе - повеќе победи, повеќе време, повеќе работа. Сакам да и се заблагодарам на федерацијата за нивната доверба. Благодарам Бразил за топлото добредојде и за приемот“, рекол Анчелоти.
