- Бројот на грешки на главни судии по консултација со ВАР снимки се зголемил на дури 13 сезонава 2025/2026 во Премиер лига.
- Спортската редакција на БиБиСи заедно со панелот на клучни премиерлигашки инциденти (KMI) анализирале неколку ситуации и стигнале до дури 30% зголеменост на грешките по гледање ВАР од 10 минатата сезона на дури 13 сезонава.
- Во сезоната на зачетоците на ВАР таму во 2023/2024 имало 20 очигледни судиски грешки и лоши проценки, 23 кардинални грешки имало во сезоната 2022/2023.
- Биографската книга „Фудбал под сенка“, посветена на легендарниот македонски фудбалер Васил Рингов, во авторство на новинарот Срѓан Ивановиќ, ќе биде промовирана на 17 април (петок), во книжарницата „Литература.мк“ во „Дајмонд мол“, со почеток во 20 часот.
- Книгата излегува постхумно, неколку месеци по смртта на Рингов, кој активно беше вклучен во нејзиното создавање. Денот на промоцијата, пак, се поклопува со датумот на неговото раѓање.
- „Фудбал под сенка“ на искрен и непосреден начин ја раскажува животната и спортската приказна на Рингов – еден од најзначајните фудбалери во македонската и југословенската историја, чие име е тесно поврзано со успесите на ФК Вардар. Книгата нуди увид не само во неговата богата кариера, туку и во личните предизвици, размислувањата и вредностите што го формирале како спортист и како човек.
- Двајцата синови на Дејан Станковиќ кој беше легенда на Црвена звезда, Лацио и Интер, Александар и Филип наскоро би можеле да се вратат на „Џузепе Меаца“ каде што ги почнаа фудбалските кариери.
- Александар (20) напредуваше неверојатно многу и откако преку Луцерн замина во Клуб Бриж за 9,5 милиони евра, стана главен играч на трофејниот белгиски клуб. Станковиќ беше најдобар играч на екипата во Лига на шампиони, а после 30 кола Клуб Бриж е втор со три бода зад лидерот во Белгија и се бори за шампионска титула благодарение на одличните партии на српскиот репрезентативец.
- Интер, поточно Марота инсистирал во клаузулата при потпис на договорот со Клуб Бриж да се вметне и клаузула според која Александар Станковиќ за 25 милиони евра би можел да се врати во Интер. Оваа клаузула најверојатно ќе биде активирана во јуни кога младиот фудбалер од среден ред ќе се врати во Интер.
- Таму би требало да се врати и брат му Филип кој е голман и кој бранеше на позајмица во неколку клубови а сега е во Венеција.
