- Најдобриот светски тенисер на сите времиња според многумина, Новак Ѓоковиќ во објава на Инстаграм му честиташе победа против Велс на неговиот добар пријател Един Џеко со натпис: „Браво Едине, браво БиХ!“, а сега допатувал во Босна и Херцеговина за да го следи дуелот БиХ - Италија.
- Овие две селекции вечерва од 20:45 ќе играат на стадионот „Билино Поље“ во Зеница за пласман на Светско првенство 2026.
- Ѓоковиќ го искористил патот во БиХ и по седми пат да отиде кај фамозните „Босански пирамиди“ каде домаќин повторно му беше Семир Османагиќ.
- Во последните пар секунди од натпреварот Минесота - Денвер кога Тимбервулвс веќе имаа победа во џеб, а сите играчи се поздравуваа меѓу себе и тргнаа кон клупите, Џајден Мекданиелс тргна да положува и да даде уште еден кош. Тоа опасно го налути Никола Јокиќ кој цела серија е провоциран од истиот играч, му се пушти и го зграпчи за дресот.
- Настана хаос на теренот кој набрзо се смири. НБА лигата сега го казни Јокиќ со 50.000 долари а Џулиус Рандл со 35.000 долари за тоа што започнале нереди после натпреварот.
- И двајцата ќе играат на натпреварот број 5 од серијата кој се игра во Денвер вечерва.
- За Чави Симонс сезонава, а веројатно и годината е завршена со играње фудбал. Го пропушта и Светското првенство, откако викендов ги скина лигаментите.
- Симонс се повреди во вториот дел од мечот, кој Тотенхем го доби против Вулверхемптон со 1-0 и беше изнесен со носилки.
- Ова е хендикеп за Тотенхем кој се бори за опстанок, како и за селекцијата на Холандија која е во група со Јапонија, Шведска и Тунис.
