- Британскиот национален сервис ја збунил јавноста откако донел одлука да не праќа стручни коментатори и водители на студија во САД се до четвртфиналните средби на Светско првенство 2026.
- „Работа од дома“, гласи насловот на статијата на Дејли Мејл кој ја соопштува веста дека БиБиСи нема да им плаќа патни трошоци и смештај на нивните стручни аналитичари за првите 96 натпревари кои ќе се коментираат од дома.
- БиБиСи нема намера да прави студио на Мундијалот 2026 во САД се до четвртфинале затоа што процениле дека тоа би ги чинело многу.
- Вејн Руни, Мартин Кион, Џо Харт, Алан Ширер, Дени Мерфи, Дион Даблин, Тео Волкот, Шеј Гивен, Недум Онуоа, Стивен Ворнок се само некои од стручните аналитичари на БиБиСи.
- Претседателот на Фудбалскиот сојуз на Чешка Давид Трунда изјавил дека во предлогот на Џани Инфантино за продажба на правата на Мундијал на приватна компанија гледа прилика за „дополнителен развој на националниот фудбал и вложување во инфраструктурата и младинските програми“.
- Планот на ФИФА односно на нејзиниот прв човек Инфантино е Светската фудбалска организација да основа нова компанија која би управувала со правата на Светските првенства во фудбал за мажи и Светско клупско првенство за жени и да овомозжи вле на приватен капитал. УЕФА и ЕУ бурно реагираа на оваа идеја.
- „Гледам конкретна корист за чешкиот фудбал низ блиска соработка со Џани Инфантино и неговиот тим. Секако потребно е да добиеме повеќе информации но мојот личен впечаток е дека овој план може да донесе многу позитивни ефекти“, рекол Трунда.
- Компанијата ФИФА Форвард Ентерпрајз би имала капитал од 20 милијарди долари кои би се распределиле на 211 членка на ФИФА. ФИФА би задржала мнозински контролен пакет а 20% од акциите би оделе на приватни инвеститори.
- Легендарниот италијански репрезентативец, Алесандро Неста преку суров пример само ја потврди очајната ситуација во која се наоѓа националниот тим на неговата земја.
- „Син ми кој има скоро 18 години, никогаш не ја гледал Италија на Светско. Кога ќе му кажам дека бевме светски прваци, тешко му е да поверува“, вели шампионот од Мундијалот 2006-та.
- За Неста, таа фраза сумира сè. Историска репрезентација, четири ѕвезди на градите, а сега цела генерација ја знае Италија само надвор од Мундијалите.
