- Иван Маленица, хрватскиот министер за правда посетил денес во еден атински затвор во Халкида седум уапсени припадници на групата Бед Блу Бојс, а министерот за надворешни работи на Хрватска ги посетил оние во озлогласниот затвор Коридалос на периферијата од Атина.
- „Разговарав со нив во затвор кој е на еден час од Атина. Немаа никакви забелешки на третманот во затворот. Сместени се со останати затвореници. Немаат никакви примедби за односот на службениците, полицајците, управителите. Го пофалија односот. Не им фалело баш ништо, ни храна ни облека.
- Прашуваа како ќе се реши техничкото прашање со примање пари за купување во затворската кантина. Не се свесни за какво кривично дело ги теретат и да не се обвинети за убиство, може да ги обвинат за злосторничко здружување во група за што е предвидена тешка казна“.
- Карло Анчелоти, творецот на многу шампионски успеси на Реал Мадрид, се наоѓа под голем притисок и најверојатно ќе замине од клубот уште на крајот од мај и почетокот на јуни, пренесува Скај Спорт. Анчелоти би можел да биде и нов селектор на Бразил кој долги години го сонува Италијанецот на клупата.
- Реал Мадрид испадна во четвртфинале на Лига на шампиони по два порази од Арсенал (3-0 и 1-2). Во Ла Лига заостанува бодовно зад најголемиот ривал Барселона против која игра и во финале на шпанскито кралски Куп на 26-ти април.
- Барселона и Реал Мадрид ќе играат „ел класико“ и на 11-ти мај во Барселона кога може да се реши прашањето на шампионот.
- Годинава повторно се поклопуваат датумите за прослава на најголемиот христијански празник, па така на 20-ти април Велигден ќе го слават и католиците и правослвните Христијани.
- Раководството на италијанската Серија А реши да ја прекине традицијата која траеше 47 години, на Велигденски празници да нема никаков фудбал.
- Последен пат за Велигден фудбал се играл во Серија А во далечната 1978-ма година, на 26-ти март кога на терен истрчале сите 20 екипи од италијанската лига.
- Изминативе години имало два исклучоци, Перуџа - Интер (11 април 2004-та) и Реџина - Удинезе (12-ти април 2009) се играле на најголемиот празник и предизвикале големи полемики во италијанското друштво и пред се католичката црква.
- Викендов ќе се играат и шпанска Ла Лига, германска Бундеслига, англиска Премиер лига, хрватска ХНЛ и други првенства кои не планираат да сопрат ниту за најголемиот верски празник.
