- Долгогодишниот македонски репрезентативец Филип Кузмановски се раздели со германскиот Вецлар и замина од германската Бундеслига. Македонецот сам побарал од управата да му даде одврзани раце (тоа го открил директорот на бундеслигашот).
- После само неполни два часа од оваа вест, стигна друга, дека одличниот бек веќе се договорил со Еурофарм Пелистер, македонскиот првак кој игра во Лига на шампиони.
- Кузмановски ќе биде претставен во Битола на 20-ти ноември и со ова екипата станува многу посилна.
- Филип има 27 години. Тој е дете на Пелистер и првите ракометни чекори ги направил токму во Битола од каде замина во Металург, па Еурофарм Работник пред да замине во странство. Играше за Магдебург, Хановер и Вецлар.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
