- Најдобриот македонски фудбалер на сите времиња изминатиов викенд бил гостин на некогашниот европски првак Црвена звезда. Гоче во неколку наврати низ годините изјавуваше дека уште од мал имал симпатии за белградските „црвено-бели“.
- Слободното време по завршувањето на чудесната кариера Пандев го искористил да дојде до стадионот „Рајко Митиќ“ каде претседателот на Црвена звезда Светозар Мијаиловиќ го прошетал низ музејот и клупските простории.
- „Музејот е прекрасен. Видов сè што еден клуб каков што е Црвена звезда освоил, тоа е историја! Ќе остане запишано засекогаш во книгите. Знам колку навивачите на Црвена звезда го сакааат клубот, за нив е Звезда сè. Тука настапуваа играчи од Македонија, а за мене лично Панчев и Илија Најдоски оставија најголем белег. Освоија Лига на шампиони што за еден играч е сон и најголем успех. Среќен сум што Македонци постигнаа значаен успех со Звезда“, рекол меѓудругото Пандев.
- Претседателката на Мексико Клаудија Шејнбаум пред неколку дена изјави дека Мексико е спремен да го одржи Светското првенство и дека не постои никаков ризик од одложување и преместување натпревари поради честите криминални пресметки меѓу бандите и полицијата.
- Но Светскиот Куп за скокови во вода закажан за следната недела во Мексико е откажан од безбедносни причини. Натпреварувањето требаше да се одржи од 5-ти до 8-ми март во градот Сапопан во близина на Гвадалахара во државата Хелиско. Но токму во оваа држава од минатата недела изби масивно насилство на бандите по убиството при обид за апсење на Намесио Осерега Сервантес познат како „Ел Менчо“, најпознатиот водач на озлогласениот нарко-картел „Халиско Нова генерација“ (CJNG).
- Бандитите веќе неколку дена палеле автомобили и блокирале улици со запалени автобуси во речиси 12 мексикански држави а властите тврдат дека најмалку 70 лица загинале во престрелките со полицијата.
- Најдобриот стрелец во историјата на Реал Мадрид и во историјата на репрезентативниот фудбал, Кристијано Роналдо купил 25% од акциите на шпанскиот второлигаш Алмерија.
- Португалецот кој игра за Ал Наср купил пакет акции преку неговата фирма CR7 Sports Investments. Роналдо на крајот од 2025-та стана првиот фудбалер-милијардер. Неговото богатство се проценува на 1,4 милијарда долари.
- Шпанскиот клуб АЛмерија е на трето место во втората лига Сегунда дивизион со одлични шанси до крајот на сезоната да обезебди пласман во елитната Ла Лига.
- Огромно задоволство од влегувањето на Роналдо во Алмерија изразил и првиот човек на клубот, Мохамед Ал Кереиџи, сопственик на садуиската СМЦ Група.
