Offside › Набрзинка

Горан Пандев доби нов интересен тренер

21 јануари 2022

Четириесет и осум годишниот Александер Блесин, Германец, кој долги години работеше во младинската академија на Ред Бул Лајпциг, пред да почне самостојна тренерска кариера, е новиот тренер на Џенова.
Блесин почнал во школата на германски РБ Лајпциг и одлично го познава усовршениот систем на овој богат клуб. Во академијата на РБЛ бил од 2012-та како асистент а од 2017-та бил назначен за главен тренер.
Во јули 2020-та решава да тргне самостојно и ја прифаќа понудата на белискиот клуб Остенде. На 65 меча Александер Блесин со Остенде забележал 26 победи, 11 нерешени и претрпел 28 порази со 99 дадени гола и 107 примени.
Џенова до понеделникот имала усмен договор со некогашниот тренер на Херта, Баер Леверкузен и Штутгарт, Бруно Лабадија но Германецот со италијанско потекло после дебаклот на „грифони“ 6:0 од Фиорентина во понеделникот сфатил каква работа го чека и се повлекол.

извор

Вардар го освои и Охрид за 14-та победа на 14 натпревари

29 ноември 2025

Екипата на Вардар 1961 ја продолжува серијата без пораз на домашната сцена. Црвено-црните во дербито на денот славеа над ГРК Охрид (28-26) и го забележаа четиринаесеттиот триумф на четиринаесеттиот меч сезонава.
Пред преполна сала „Билјанини извори“ каква што не се памети да била полна во последниве години, во Охрид вечерва РК Вардар 1961 го совлада амбициозниот домаќин 28:26.
Уште од стартот црвено-црните покажаа дека сезонава им нема рамен во домашното првенство и дека одличните игри и во Европа не се случајност.
Дмитро Хориха постигна осум гола и беше лидер со најмногу погодоци кај Вардар. Харуки Кавада постигна шест гола. Милош Валах запиша осум одбрани. Кај Охрид Стрмљан, Иванковиќ, Крсманчиќ и Ѓукиќ постигнаа по пет гола.
Вардар е прв на табела со 14 победи од 14 натпревари.

извор

Тарик Биберовиќ им „забибери“ чорба на своите, Босанците гневни

28 ноември 2025

Во морето квалификациски дуели за Светско првенство синоќа Турција ја совлада Босна и Херцеговина 93-71. Иако резултатот делува мошне убедлив, на терен БиХ се држеше до крајот на третиот период до кога резултатски парираше.
24-годишниот кошаркар на Фенербахче Тарик Биберовиќ кој е роден во Зеница и во Босна ги добива првите кошаркарски лекции, играше за БиХ на Европско првенство У-16. Во јуни 2018-та го сменил спортското државјанство и како кошаркар на Фенербахче решил да заигра за Турција.
Синоќа токму Биберовиќ „им збибери“ на своите 20 поени и неколку погодоци бурно ги прославуваше, после што во БиХ беше прогласен за голем предавник на своите. Во разни коментари на друштвените мрежи Босанците го навредуваа и му порачуваа дека едвај чекаат „да го пречекаат“ на реваншот во Сараево.