Горан Ѓоргоноски: Кој ќе ја разниша рамнотежата на вечните?
12 септември 2025
- Што може да очекува еден ракометен фан во Македонија по онаа трилер-завршница во „Јане Сандански“ овој јуни? На прашањето на еден добронамерен ракометен фан, со таблици од одамна умрениот ракометен центар Велес, кој случајно го сретнав на бензинска кај „Русите“ во Прилеп – „кој ќе биде шампион, Вардар или Пелистер?“, мојот одговор беше едноставен: „Ниту едниот, ниту другиот“.
- Дали конечно дојде време оваа година завршницата на „најквалитетната лига на Балканот и пошироко“ да добие нов расплет, во однос на тоа кој сѐ ќе решава за титулата, па и повеќе од тоа, дали е дојдено време за нов титулар, надвор од „вечните“? Како се однесуваа „вечните“ ова лето, носејќи тренери на веќе скроен ростер, можам да се обложам дека ќе биде така.
- Градот со најубавото езеро, градскиот ракометен клуб Охрид, на чело со таткото на градот, дефинитивно изгледа подобро, поквалитетно, поорганизирано… како сакате наречете го. Донесоа тренер со биографија, човек што знае да создаде екипа и да ја издигне на ниво.
- Ројевиќ со години го градел повеќекратниот шампион на соседна Србија и сега треба да „преслика“ некои работи и кај нас. Ситуацијата не е ни малку иста. Имено, тука, во Македонија, други го „водат орото“ и одамна не му даваа „шамивче“ на никој друг. Охрид, сепак, направи сериозни засилувања. Двајца легионери од Бундеслигата се реални засилувања на екипата.
- Алкалоид „знае каде тера“. Екипата игра на супервисоко ниво и плаќајќи го данокот на неискуство, на двата меча да го намачи големиот Хановер. Тимот со најголем буџет во домашното првенство, својствено за него, пазареше минимално, барем што се однесува на играчи што ќе бидат фактор во тимот, веднаш оваа година.
- Алкалоид ќе „трча“ со ривалите, ќе игра на погодок повеќе со секој ривал и, според мене, оваа година сериозно се доближи до титулата. Ама сериозно „дишење во врат“ на „вечните“.
