Offside › Набрзинка

Гол.мк тврди: Македонија во баражот ќе има нов селектор

20 ноември 2025

Поради незадоволство од последните изданија, Благоја Милевски нема да добие нов договор и му завршува мандатот на кормилото на А-тимот, пишува Гол.мк.
Последните мечеви на сениорскиот тим наидоа на жестока критика кај јавноста, а кај раководството на ФФМ посебно влијаеше последниот меч со Велс на кој Македонија беше понижена и надиграна (1-7). Масар Омерагиќ, разочаран и потиштен го напушти стадионот.
Негативниот исход е продолжение на серијата натпревари во кои репрезентацијата покажува пад во форма. Пред Велс сериозен аларм беа и дуелите со Летонија и Казахстан во Скопје.

17 мај 2026

По неколку експерименти со Енцо Мареска и Лиам Розениор, управата на Челси по катастрофалната сезона во која се на 9. место во Премиер лига, изгубија во финале на ФА Куп и нема да играат во еврокупови ниту следната сезона, се решија за проверено име.
На клупата на сините седнува Шпанецот Чаби Алонсо кој после чудата со Баер Леверкузен со кој освои двојна круна во Германија и играше финале на Лига Европа, отиде во Реал Мадрид но таму неговите методи не беа прифатени и не се прослави.
Се очекува Баскиецот да ја стабилизира екипата, да постави свои принципи на работа и Челси конечно да се врати на старата патека на успех.

16 мај 2026

Гоце Седлоски ја освои четвртата титула во Првата македонска фудбалска лига, трета со Вардар 2015/16, 2016/17, 2025/26 и има една со Шкупи.
Со тоа го стигна Ѓоко Хаџиевски кој исто така има четири титули, сите со Вардар 1992/93, 1994/95, 2001/02 и 2002/03.
Прв на вечната листа е Ѓоре Јовановски, кој има пет трофеи, три со Слога Југомагнат (1998/99, 1999/00 и 2000/01), како и два со Работнички (2004/05 и 2005/06).