Offside › Набрзинка

Голем пех за Турција, херојот Демирал е суспендиран

5 јули 2024

Мерих Демирал кој со два гола против Австрија ја однесе Турција во четвртфинале се соочи со казна по која веројатно тоа ќе значи и крај за него на Европското.
Дефанзивецот на Турција е суспендиран од УЕФА два натпревари, што значи ќе го пропушти дуелот против Холандија и евентуално полуфинале.
Суспензијата е донесена поради неговиот гест за време на прославата на головите поврзан со турската десничарска екстремистичка група „Сиви волци“, организација која ЕУ ја смета за терористичка и е забранета во Австрија.
Демирал се бранеше по натпреварот дека прославата е поврзана со неговиот турски идентитет.

Што означува гестот што го направи турскиот јунак Мерих Демирал?

извор

Црна овца во друштво: Само една федерација ја поддржала идејата на Инфантино

29 јули 2026

Претседателот на Фудбалскиот сојуз на Чешка Давид Трунда изјавил дека во предлогот на Џани Инфантино за продажба на правата на Мундијал на приватна компанија гледа прилика за „дополнителен развој на националниот фудбал и вложување во инфраструктурата и младинските програми“.
Планот на ФИФА односно на нејзиниот прв човек Инфантино е Светската фудбалска организација да основа нова компанија која би управувала со правата на Светските првенства во фудбал за мажи и Светско клупско првенство за жени и да овомозжи вле на приватен капитал. УЕФА и ЕУ бурно реагираа на оваа идеја.
„Гледам конкретна корист за чешкиот фудбал низ блиска соработка со Џани Инфантино и неговиот тим. Секако потребно е да добиеме повеќе информации но мојот личен впечаток е дека овој план може да донесе многу позитивни ефекти“, рекол Трунда.
Компанијата ФИФА Форвард Ентерпрајз би имала капитал од 20 милијарди долари кои би се распределиле на 211 членка на ФИФА. ФИФА би задржала мнозински контролен пакет а 20% од акциите би оделе на приватни инвеститори.

извор

Неста: Син ми никогаш не ја гледал Италија на Светско, а има скоро 18 години

29 јули 2026

Легендарниот италијански репрезентативец, Алесандро Неста преку суров пример само ја потврди очајната ситуација во која се наоѓа националниот тим на неговата земја.
„Син ми кој има скоро 18 години, никогаш не ја гледал Италија на Светско. Кога ќе му кажам дека бевме светски прваци, тешко му е да поверува“, вели шампионот од Мундијалот 2006-та.
За Неста, таа фраза сумира сè. Историска репрезентација, четири ѕвезди на градите, а сега цела генерација ја знае Италија само надвор од Мундијалите.

извор