Го суспендираа силеџијата
14 декември 2023
- Како што се очекуваше, НБА лигата брзо реагираше и го суспендираше кошаркарот на Голден Стејт Вориорс Драјмонд Грин. Тој на мечот со Феникс Санс пред неколку вечери со сета сила намерно му удри тупаница на Јусуф Нуркиќ и буквално го патосираше.
- Ова доаѓа само неколку недели откако беше казнет 5 натпревари поради тоа што го давеше за врат Руди Гобер. 33-годишниот 4-кратен НБА шампион е суспендиран на неопределено време соопштија од НБА.
- Драјмонд Грин се однесува неартикулирано веќе подолг период на паркетите во НБА и лигата која до скоро го штитеше и му овозможуваше да биде дел од маркетинг кампањите и да има свој стручен коментар на платформа преку ТНТ, сега изгледа веќе не му прогледува низ прсти затоа што ги премина сите граници и прашање на време беше кога ќе повреди некој ривал сериозно.