Offside › Набрзинка

Гевгелија ќе биде домаќин на овосезонскиот кошаркарски Куп на Македонија

3 февруари 2025

По неколку успешни организации, Гевгелија одново доби привилегија да биде град домаќин на Купот на Македонија.
Македонската кошаркарска федерација распиша конкурс за техничка организација на Купот на Македонија а по предвидениот рок за испраќање пријави, КК Кожув од Гевгелија го доби домаќинството.
Завршниот турнир во формат на најдобрите 8 екипи во машка конкуренција и најдобрите топ4 екипи во женска конкуренција ќе се игра во периодот од 13-ти до 15-ти февруари во спортската сала „26-ти април“ во Гевгелија.
Веќе се познати и четвртфиналните двојки во кои се игра големото скопско дерби МЗТ Скопје Аеродром - КК Работнички (на 13-ти февруари, во четврток).

28 ноември 2025

Во морето квалификациски дуели за Светско првенство синоќа Турција ја совлада Босна и Херцеговина 93-71. Иако резултатот делува мошне убедлив, на терен БиХ се држеше до крајот на третиот период до кога резултатски парираше.
24-годишниот кошаркар на Фенербахче Тарик Биберовиќ кој е роден во Зеница и во Босна ги добива првите кошаркарски лекции, играше за БиХ на Европско првенство У-16. Во јуни 2018-та го сменил спортското државјанство и како кошаркар на Фенербахче решил да заигра за Турција.
Синоќа токму Биберовиќ „им збибери“ на своите 20 поени и неколку погодоци бурно ги прославуваше, после што во БиХ беше прогласен за голем предавник на своите. Во разни коментари на друштвените мрежи Босанците го навредуваа и му порачуваа дека едвај чекаат „да го пречекаат“ на реваншот во Сараево.

View this post on Instagram

A post shared by FIBA Basketball World Cup (@fibawc)

27 ноември 2025

По бурните реакции на навивачите кои не можеа да се помират со оставката на најтрофејниот европски кошаркарски тренер Обрадовиќ, извршниот и управниот одбор на Партизан решил да му пружи апсолутна поддршка на својот тренер да ја продолжи мисијата и му ја одбила оставката.
На предлог на претседателот на клубот Остоја Мијаиловиќ, едногласно е одбиена оставката на Обрадовиќ и клубот соопшти дека тој ужива нивна целосна доверба.