Германскиот храм на фудбалот со најјака трибина слави 50-ти роденден
3 април 2024
- „Сигнал Идуна Парк“, стадионот на Борусија Дортмунд го прослави својот 50-ти роденден. Овој стадион, познат како „Вестфален“, е еден од најпосетените на светот, а на него има прекрасна атмосфера која што ја прави „Жолтиот ѕид“, трибината зад едниот гол каде што седат најверните навивачи на Борусија Дортмунд.
- Капацитетот на овој стадион е 81.365 гледачи а со години веќе е најпосетен стадион во Европа. Сезонава просекот им е 81.287 гледачи.
- Изграден е на 2. април 1974-та година, неколку месеци пред Светското првенство во тогашна Западна Германија. Првиот меч на Мундијалот е одигран токму на овој стадион кој тогаш имал капацитет од 54.000 гледачи. Од тогаш па наваму реновиран е неколку пати а капацитетот е зголемуван неколку кратно.
- Трибината „Жолт ѕид“ или Јужна трибина (Südtribüne Dortmund) е широка 100 метри и висока 40 метри! Собира 25.000 гледачи.
