- Германските и британски надлежни институции се скршија од апелирање во изминатиов период дека пивото во Германија има многу повеќе проценти алкохол отколку оние на Островот и дека навивачите треба да припазуваат колку и како пијат.
- Германската полиција во еден од последните апели до англиските навивачи пред мечот со Србија во недела од 21:00 во Гелзенкирхен напоменала дека би сакала англиските навивачи повеќе да конзумираат марихуана (канабис) отколку да пијат со оглед на агресивноста која може да произлезе од алкохолот.
- „Нема проблем да се пуши канабис на улиците (во Германија е дозволена мала количина за употреба). Ако видиме група луѓе кои пијат алкохол и изгледаат и се однесуваат агресивно, а друга група пуши канабис, секако дека ќе ја следиме групата што пие алкохол“.
- Управата на ЛА Лејкерс се одлучи за чудно и неочекувано решение. За нов тренер на екипата го назначи довчерашниот кошаркар Џеј-Џеј Редик (40). Редик во кариерата играше за Орландо Меџик кој во 2006-та го одбра како 11-ти пик на драфтот, за Милвоки Бакс, ЛА Клиперс, Филаделфија 76ерс, Њу Орлеанс Пеликанс и Далас Маверикс.
- Редик го имал првиот ден на новото работно место на својот 40-ти роденден. Тој во 2021-ва година ја заврши играчката кариера.
- На промоцијата рекол дека кратко се видел со 39-годишниот лидер на ЛА Лејкерс Леброн Џејмс кого го опиша како свој пријател. „Не зборувавме многу се до четвртокот напладне кога помуабетивме 30-ина минути откако ми понудија работа“. Леброн има да одлучи до 29-ти јуни дали ќе го продолжи договорот со Лејекрс или ќе стане слободен агент. Ако продолжи да игра ова ќе му биде 24-та сезона по ред во НБА.
- Легендата на српската и југословенска кошарка Драган Капичиќ починал во понеделник на 76 години. Се уште не се знае причината за смртта која што ќе биде дополнително соопштена.
- Капичиќ професионално играл кошарка од 1965-та до 1981-ва година а голем дел од кариерата поминал во Црвена звезда (од 1965-та до 1977-ма) и со црвено-белите освоил три Купа на Јуогславија, две шампионски титули на Југославија како и Сапорта Куп 1974-та.
- Капичиќ бил и најдобар стрелец во сезоната кога освоиле Сапорта Куп. После Звезда играл во Сатурн од Келн со кој станал шампион на Германија. Со репрезентацијата на Југославија освоил светска титула во 1970-та и европска титула во 1975-та година. Има сребро од Светско 1974-та и сребро на Европско 1969-та и 1971-ва.