- Британското МНР ги предупреди англиските и шкотските навивачи кои ќе патуваат на Евро 2024 во Германија да знаат дека германските пива се посилни односно имаат појак процент алкохол од нивните на Островот.
- Британските власти највнимателно можно, до најситни детали го одработуваат планот за сите оние кои од нивната земја ќе патуваат на Европско првенство. Свесни за проблематиките кои може да ги направат таму англиските навивачи, Британците ќе пратат и свои полициски служби, а веќе во план е и одземање пасош на околу 1.200 проблематични лица кои се заведени во досиејата како повторувачи на прекршоците.
- Тајмс пишува дека просекот на алкохол во пивата во Британија е 4,4 а во Германија 4,7-5,4 и се се сметаат за некои 16% посилни според скалата на мерење јачина.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
