- Дваесет и едно годишниот центарфор Николо Тресолди играше за Хановер каде од него направиле добар шпиц пред да го продадат за 6 милиони евра во Клуб Бриж изминатото лето. Тресолди игра за Германија У21 и веќе има 18 натпревар и три гола во септември во квалификациите за Еуро У-21.
- Селекторот на младинската репрезентација на Германија Антонио ди Салво повторно го повикал за У21 селекцијата за дуелите со Грција и Северна Ирска, но во меѓувреме селекторот на Италија Џенаро Гатузо и италијанската фудбалска федерација вложуваат напори да го повикаат да игра за аѕурите. Германците не сакаат да се откажат лесно од него. А мајка му е Аргентинка па тој има право да игра и за Аргентина.
- Сличен е и случајот со фудбалерот на Рома Матијас Суле чиј менаџер побарал од Аргентина да го викне за репрезентација зошто наскоро тој би можел да добие италијански пасош и државјанство и да заигра за Италија. Рома него го откупи за 25.600.000 евра од Јувентус минатото лето.
- Покрај информации за компромитирање натпревари, Омерагиќ на генералното собрание на ФФМ на 21 март зборуваше и за конкретно одлевање на пари од сметката на Федерацијата во времето на Сејдини и тоа во износ од 5 милиони евра во последниот месец од неговото владеење.
- При пререгистрација на фудбалери направена во декември 2024 година, во земјава биле регистрирани 44.996 фудбалери. За речиси една година, при пререгистрација во јануари 2026 имало 14.210. Бројки што упатуваат дека во земјава имало околу 30.000 лажни фудбалери.
- На Сејдини му е определен 30 дена притвор во Шутка поради сомнение дека на крајот од 2024-та прибавил противправна имотна корист од околу 660 илјади евра за правно лице од Скопје, при изградба на трибина на стадионот во Охрид.
- Македонската фудбалска репрезентација најверојатно ќе се сретне со Иран на пријателски дуел, кој би се играл во Турција, каде што ќе се подготвуваат Иранците за Мундијалот.
- Медумите од Иран најавуваат дека дуелот со Македонија ќе биде генерална проба за Светското првенство каде оваа репрезентација е во група со Белгија, Египет и Нов Зеланд.
- Од ФФМ тврдат дека имало разговори, но уште ништо не било дефинирано.
