- Секоја година е иста песна. Не знам дали да очекувам повеќе нешто... во последните четири до пет години Вардар е во катастрофална ситуација. Минатата година ако не ни помогнеа „Комитите“ на пример, како и ние фудбалерите што се нафативме за нула денари да играме за клубот, мислам дека Вардар ќе згаснеше.
- Многу луѓе му го свртија грбот на Вардар. Кога влеговме, направивме голем бум затоа што вложивме натчовечки напор, со девет месеци без денар и направивме голема работа. Но, немаме газда, нашиот клуб го водат навивачите и не можам да кажам ништо лошо за нив во моментов затоа што знам дека тие вложуваат натчовечки напори.
- Ни даваа ветувања од градоначалници, до политичари, компании, спонзори... а на крај нема ништо. Сите што сме во клубот се разочарани, затоа што вакво нешто му се случува на најголемиот клуб на Македонија. Се чувствува како државата да сака да испадне Вардар пак во Втората лига.
- Сите помисливме дека конечно ќе имаме наше место, дека ќе тренираме и работиме во кампот во Хиподром, но тој во моментов се наоѓа во една жална ситуација, подобро никој да не гледа во моментов во каква ситуација е тој центар кој беше дом на ФК Вардар.
- Фудбалерите на Шкендија ќе играат против Карабах утре вечер (вторник од 20:30) во 3. квалификациско коло за Лига на шампиони. Реваншот е за една недела.
- Победникот ќе оди на победникот од двомечот Лудогорец - Ференцварош за историски пласман во Лига на шампиони, а поразениот неоибично ќе оди исто на бугарскиот или унгарскиот шампион. Така одлучи ждрепката на УЕФА во Нион попладнево.
- Ако Шкендија испадне од Карабах, натпревари од баражот во Лига Европа ќе игра на 21-ви август во Скопје и на 28-ми август на гости против еден од Ференцварош или Лудогорец.
- За време на пријателски натпревар меѓу Раднички Лозница и Цер во неделата удрил силен гром на теренот и тешко биле повредени неколку играчи од двата тима. Најтешко поминал фудбалерот на гостите Драгиша Савковиќ кој се наоѓа во критична состојба и кој е префрлен на понатамошно лекување во Белград.
- По страшниот удар на гром, пишува Спортал, десетина лица паднале на земја. Лозница.инфро пишува дека присутните рекле дека времето нагло се сменило и невреме почнало оддеднаш.
- „Што да ви кажам... Не можам ни да зборувам премногу. Во шок сум. Во 20. минута од мечот само пукна. Малтене од ведро небо. Таква експлозија не сум слушнал во живот. Кога дојдов при себе, видов сцена која и сега ми е пред очи. Деца лежат непомично на терен. Тоа е страшно. Веднаш видов дека најтешко поминал Драгиша Савковиќ. Уште имаше чад околу него како кутрото момче да беше запалено. Ужасна сцена... Јас сум здравствен рабоник, го реанимирав на лице место. Слушам дека е во тешка состојба, се надевам со цела сила дека ќе биде добро. Не дај Боже никому да го доживее тоа што ние го доживеавме“, рекол Ненад Симиќ тренерот на домаќините.
