Фудбалскиот клуб Рокдејл Илинден, симбол на македонските иселеници во Австралија, со голема тага и во шок соопшти на својата Фејсбук страница дека нивниот фудбалер Ден Елкајам е една од жртвите на страшниот терористички напад на плажата Бонди во Сиднеј во неделата кога најмалку 15 лица загинаа a 40 се повредени.

Две вооружени лица, татко и син, наводно Пакистанци, пукале од автоматско оружје на плажа каде еврејска заедница го одбележувала првиот ден од најголемиот еврејски празник Ханука.

„Ден беше интегрален член на нашиот тим кој беше екстремно талентиран и популарна личност меѓу соиграчите. Наша најголема тага и сочувство за фамилијата на Ден, пријателите и сите кои го познаваа. Ќе недостасува. Нека почива во мир“, додаваат од австралискиот клуб.