- На седницата на УО на ФФМ, беше одлучено да му се продолжи договорот на селекторот Благоја Милевски, на кого му беше истечен пред неколку недели и сега се чека само официјална потврда, пишува СпортСпорт.
- Тој стана селектор на 1 август 2021 година, веднаш по завршување на Европското првенство, наследувајќи го Игор Ангеловски.
- Милевски одработи три квалификациски циклуси, но не успеа да го повтори успехот на Мрме и да ја однесе Македонија на големо натпреварување.
- Во квалификациите за СП 2022 стигна до баражот, а потоа следуваа двата неуспешни обиди за пласман на ЕП 2024. Најпрво преку Лигата на нации, а потоа и преку редовните квалификации.
- Новак Ѓоковиќ објави дека негов нов тренер кој ќе го спрема за Австралија Опен и за некои други турнири е неговиот добар другар од детство и долгогодишен ривал на тениските терени Енди Мареј.
- Легендарниот шкотски тенисер ја заврши својата богата кариера на Олимписките Игри во Париз а сега ќе заплива во тренерски води и ќе соработува со Новак Ѓоковиќ.
- Србинот и Мареј во кариерата одиграа 36 меѓусебни дуели. Ѓоковиќ славеше на 25 меча а 11 пати подобар беше Мареј. Енди во кариерата освои две титули на Вимблдон и една на УС Опен а има и две олимписки злата кои ги освои во 2012 и 2016.
- „Возбуден сум што еден од моите најголеми ривали ќе биде со мене од иста страна на мрежата, овојпат како мој тренер. Се радувам што сезоната ќе ја започнам заедно со Енди и што ќе биде со мене баш во Мелбурн каде делевме многу исклучителни моменти во кариерата“, изјави Новак Ѓоковиќ.
- Во самиот финиш од мечот Романија - Косово во Лига на Нации, гостинските фудбалери во 90' минута кога сфатија дека немаат веќе шанса за прво место за кое им требаше победа од најмалку три гола разлика, при резултат 0-0 решија да го напуштат теренот поради тоа што домашните навивачи им скандирале „Косово е Србија“.
- УЕФА неколку дена го разгледуваше случајот, а на крајот пресуди Романија службено да го добие мечот со победа од 3:0. Косовскиот фудбалски сојуз е казнет и со 6.000 евра парична казна поради тоа што репрезентативците ги одбивале повиците на делегатот да се вратат на теренот и да го довршат мечот.
- Романија ќе мора да плати 128.000 евра и еден меч ќе мора да игра без присуство на публика поради односот на своите навивачи.
