- Познатиот италијански инсајдер Фабрицио Романо вечерва на својот Х профил каде има повеќе од 23 милиони следбеници, напиша дека македонскиот репрезентативец Елиф Елмас е пред вратата на Торино каде ќе дојде на позајмица од Ред Бул Лајпциг со право на откуп.
- Елмас откако замина од Наполи со кого освои историско шампионско скудето, не добиваше многу шанса во германски Ред Бул Лајпциг. Последниве пар месеци поради повреди и слаба форма беше надвор од теренот а сега се очекува во Серија А да ја врати препознатливата форма затоа што го познава менталитетот и лигата.
- Торино во исто време се договара и со големиот италијански талент од Челси, Чезаре Касадеи како и со шпицот на Наполи Џовани Симеоне (син на Диего).
- Претседателот на Фудбалскиот сојуз на Чешка Давид Трунда изјавил дека во предлогот на Џани Инфантино за продажба на правата на Мундијал на приватна компанија гледа прилика за „дополнителен развој на националниот фудбал и вложување во инфраструктурата и младинските програми“.
- Планот на ФИФА односно на нејзиниот прв човек Инфантино е Светската фудбалска организација да основа нова компанија која би управувала со правата на Светските првенства во фудбал за мажи и Светско клупско првенство за жени и да овомозжи вле на приватен капитал. УЕФА и ЕУ бурно реагираа на оваа идеја.
- „Гледам конкретна корист за чешкиот фудбал низ блиска соработка со Џани Инфантино и неговиот тим. Секако потребно е да добиеме повеќе информации но мојот личен впечаток е дека овој план може да донесе многу позитивни ефекти“, рекол Трунда.
- Компанијата ФИФА Форвард Ентерпрајз би имала капитал од 20 милијарди долари кои би се распределиле на 211 членка на ФИФА. ФИФА би задржала мнозински контролен пакет а 20% од акциите би оделе на приватни инвеститори.
- Легендарниот италијански репрезентативец, Алесандро Неста преку суров пример само ја потврди очајната ситуација во која се наоѓа националниот тим на неговата земја.
- „Син ми кој има скоро 18 години, никогаш не ја гледал Италија на Светско. Кога ќе му кажам дека бевме светски прваци, тешко му е да поверува“, вели шампионот од Мундијалот 2006-та.
- За Неста, таа фраза сумира сè. Историска репрезентација, четири ѕвезди на градите, а сега цела генерација ја знае Италија само надвор од Мундијалите.
