- Неверојатниот Ерлинг Халанд кој лани беше еден од најзаслужните за историската тројна круна на Манчестер Сити кој освои Лига на шампиони, Премиер лига и ФА Куп а прв стрелец е и во моментов во Премиер лига, се почастил себеси со неверојатен ѕвер од автомобил.
- Норвежанецот купил Мерцедес-АМГ, модел којшто го платил вртоглави 3,2 милиони евра што дури и за милионер како него се огромни пари.
- Норвешкиот лист Dagens Naeringsliv пишува дека се работи за еден од најлуксузните автомобили на светот од кој се произведени само 275 примероци и тоа по нарачка. Овој ѕвер развива брзина од 200 км/час за само седум секунди а 300 км/час може да развие за околу 15,6 секунди. Халанд во својот раскошен авто-парк има уште и Ролс Ројс Кулинан (350.000 евра), Ауди РС6 Авант (140.000 евра), Ренџ Ровер Спорт (140.000 евра) и Мерцедес-АМГ ГЛЕ (105.000) евра.
- Премиер лигата истражувала тајни плаќања од Челси во периодот од 2011-та и 2018-та година. Овие тајни плаќања излегле на виделина при продажбата на клубот кога американски сопственици го купија клубот во 2022-ра.
- Британски Скај Спортс пишува дека Премиер лига сега го казнила Челси за овие тајни плаќања 10,75 милиони фунти, го казнила со 1-годишна трансфер суспензија која е претворена во 2-годишна условна казна. Притоа изречена им е и 9-месечна забрана за трансфери од академијата.
- Челси сам пријавил неправилности, а во случај тоа да не го сторел ќе го чекала поголема и потешка казна. Новите сопственици воочиле неправилности и ги пријавиле во Премиер лига, во Фудбалската асоцијација на Англија и во УЕФА.
- Вкупно биле регистрирани 74 прекршоци меѓу другото нелегални исплати на агенти, финансирање од трета страна и исплати на посредници.
- Челси во јули 2023-та година постигна спогодоба со УЕФА која му изрече казна од 10 милиони евра откако сопствениците укажале на нецелосни финансиски извештаи за 2018 и 2019.
- Ракометната репрезентација на Македонија на 26 март ќе ги добие ривалите за квалификациите за ЕП 2028 во Шпанија, Швајцарија и Португалија, објавија од ЕХФ.
- Македонија според рејтингот ќе биде во вториот шешир заедно со репрезентациите на Австрија, Холандија, Фарски Острови, Србија, Полска, Чешка и Италија што значи дека со нив нема да се падне во иста група.
- Прв шешир: Германија, Хрватска, Исланд, Шведска, Франција, Норвешка, Унгарија, Словенија
- Втор шешир: Македонија, Австрија, Холандија, Фарски Острови, Србија, Полска, Чешка, Италија
- Трет шешир: Литванија, Босна и Херцеговина, Белгија, Грција, Украина, Романија, Грузија, Црна Гора
- Четврти шешир: Естонија, Летонија, Турција, Луксембург, Израел, Финска, Словачка
- Ждрепката е закажана со почеток од 19:00 часот во Лисабон. Во квалификациите ќе играат 32 селекции поделени во осум групи, а на континенталниот собир ќе настапат вкупно 24 репрезентации.
