- 52 годишниот швајцарско италијански адвокат е реизбран за претседател на ФИФА на формални избори каде немаше противкандидати.
- Новиот четиригодишен мандат го доби на 73. конгрес на ФИФА во Руанда, каде присустуваа и претседателот на ФФМ Муамед Сејдини заедно со генералниот секретар Филип Поповски и директорот на репрезентацијата, Данчо Масев.
- Ова е официјално негов прв реизбор откако првично го презеде преостанатиот мандат на неговиот суспендиран претходник, Сеп Блатер, во 2016 година. Тоа значи дека според статутот на ФИФА може да бара уште еден мандат во 2027 година до 2031 година.
- „Во моментов ФИФА располага со фонд од 7,5 милијарди евра, а тој уште повеќе ќе се зголемува. Имавме одлична сезона со прекрасно Светско првенство во Катар и ветувам дека во следниот циклус, приходите и фондот на ФИФА ќе порасне до 11 милијарди евра. Овие средства во голема мера ќе бидат искористени за развој на фудбалот во многу држави“, изјави првиот човек на ФИФА.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
