- По веста за смртта на 19-годишниот ракометар Андреј Петрески од РК Аеродром, замина и Горан Станковиќ на 50 години.
- Се работи за поранешен ракометар и ракометен работник кој долги години беше дел од раководство на Јуниор Кисела Вода.
- Ќе се памети како страшно добар мотиватор кој ги најавуваше Станиќ, Вугринец, Муркуловски, Мојсовски, Јоноски, Димовски и цела таа банда на Червар во Металург пред полните трибини во Борис Трајковски во ЛШ.
- Со соопштение на својот сајт, Лион објави дека нивната жалба против одлуката за исфрлање во втора лига е уважена и дека трофејниот клуб останува во Лига 1.
- Лион летово беше исфрлен во втора лига поради тешки финансиски проблеми. Убава вест е што францускиот клуб ќе игра и во Лига Европа за каде се избори.
- Останува да се види во кој состав ќе биде повеќекратниот шампион на Франција во новата сезона.
- Министерството за спорт првично доставило документ до Општина Карпош дека ѝ се одзема салата „Партизан“ во населба Карпош 4 и дека од сега па натаму Министерството за спорт ќе управува со неа. Градоначалникот на Општина Карпош Стевчо Јакимовски во меѓувреме изјави:
- „Без никаква причина само од ќеиф ја одземаат, за да ја употребат за нивни бизнис интереси. Ним не им се важни граѓаните, важни им се бизнис интересите на Борко Ристовски.
- Од Министерство за спорт стигна брз одговор: „Упатуваме јасна порака до градоначалникот Јакимовски да не се обидува да ја прекрие својата неспособност да управува со спортската сала со некакви „протести“ и изјави кои изобилуваат со навреди.
- Дали е вистина дека веќе има договорено со нему блиски луѓе да им бидат дадени простории во салата? Граѓаните треба да знаат зошто една готова, реконструирана сала за 1,3 милиони евра цела година стоела затворена?“, стои во соопштение на Министерство за спорт.
