- Триесет и три годишниот Милош Ристиќ и 42-годишниот Жарко Чича, искусни планинари од Србија, загинале при искачување на највисокиот врв во Словенија, Триглав (2.864 метри надморска висина). Чича беше еден од најпознатите српски планинари со голем број искачени врвови во Австрија, Германија, Словенија...
- Двајцата планинари биле пријавени за исчезнати во саботата и од тогаш траела опсежна потрага по нив. Спасувачките служби ги пронашле во вторникот и се сомневаат дека паднале во бездна при искачување во текот на првата четвртина преку познатата алпинистичка германска рута и класичниот Чез Праг.
- Се претпоставува дека ги соборила голема лавина, напиша еден нивен пријател на Фејсбук.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
