- Репрезентативецот на Велс, Дејвид Брукс, кој го постигна израмнувачкиот гол во 96-та минута на синоќешниот меч против Македонија, изјави дека неговата селекција не заслужила да загуби на овој натпревар.
- „Ова беше многу тежок меч. Гостувањата на вакви терени секогаш се предизвик. Нашиот легендарен играч направи мала грешка, а тимот сакаше да му помогне. Благодарен сум што јас бев тој што го постигна голот. Заслуживме можеби и повеќе, но на крајот мора да го прифатиме бодот, знаејќи колку бевме блиску до пораз. Ќе беше многу неправедно Македонија да освои три бода“, изјави членот на Борнмут.
- Следните два меча за Македонија се на 6 јуни против Белгија дома и на 9 јуни против Казахстан на гости.
Epa images
- Еден од најдобрите фудбалери во историјата на Грузија Хвича Кваратцхелија, кој учествуваше со нашиот Елиф Елмас во шампионското скудето на Наполи пред две сезони, сега е клучен играч на ПСЖ.
- Вечерва за првпат ќе игра во финалето на Лига на шампиони, против Интер. Тој потекнува од регионот Самегрел во западна Грузија а раснел во главниот град Тбилиси.
- Хвича доаѓа од местото Цалењиха кое има 25.000 жители но ова место дало многу славни личности во историјата на Грузија. Хвича би можел вечерва да стане еден од најславните Грузијци ако освои Лига на шампиони. А во детството почнал со шутирање топка во железната врата од куќата.
- Детето на Ливерпул, универзалниот Трент Александер-Арнолд потпиша 6-годишен договор со Реал Мадрид откако реши да замине од шампионот на Англија Ливерпул.
- ТАА има 26 години а Реал Мадрид и Ливерпул се договориле со оглед на тоа што договорот му истекува за 1 месец, на 1-ви јули, Трент Александер-Арнолд да дојде во Мадрид предвреме а за тоа „кралевите“ да им исплатат на црвените 10 милиони евра. Ова од причина што Реал сака да го има уште поскоро, под водство на новиот тренер Чаби Алонсо за Светско клупско првенство во САД.
- Англискиот репрезентативец кој игра за Англија уште од 2018-та и настапи на две Светски првенства (2018 и 2022) и на едно Европско првенство (2024). Трент Александер-Арнолд е добар другар и со неговиот соиграч од репрезентацијата и ѕвезда на Реал Мадрид Џуд Белингам.
- Со Ливерпул има 1 пехар во Лига на шмпиони, 2 титули во Премиер лига, 1 УЕФА Супер Куп, 1 ФА Куп, 1 Светско клупско првенство, 2 Лига Купа и 1 Комјунити шилд.
