- Шкотски Дејли Рекорд пишува дека за македонскиот репрезентативен центарфор Бојан Миовски сериозно е заинтересирана Болоња која минатата сезона обезбеди историски пласман во Лига на шампиони.
- Миовски веќе неколку сезони е меѓу топ3 стрелците во шкотскиот Премиершип и е цел на многу поголеми клубови од сегашниот негов тим Абердин.
- 26-годишниот Штипјанец во Болоња би дошол како замена за Холанѓанецот Џошуа Зиркзе кој после феноменалната сезона во Серија А е на праг од богат трансфер во Манчестер Јунајтед. Болоња најверојатно ќе остане и без откритието на Евро2024 стоперот Рикардо Калафиори за кого Арсенал е спремен да даде цело богатство.
- Претседателот на Фудбалскиот сојуз на Чешка Давид Трунда изјавил дека во предлогот на Џани Инфантино за продажба на правата на Мундијал на приватна компанија гледа прилика за „дополнителен развој на националниот фудбал и вложување во инфраструктурата и младинските програми“.
- Планот на ФИФА односно на нејзиниот прв човек Инфантино е Светската фудбалска организација да основа нова компанија која би управувала со правата на Светските првенства во фудбал за мажи и Светско клупско првенство за жени и да овомозжи вле на приватен капитал. УЕФА и ЕУ бурно реагираа на оваа идеја.
- „Гледам конкретна корист за чешкиот фудбал низ блиска соработка со Џани Инфантино и неговиот тим. Секако потребно е да добиеме повеќе информации но мојот личен впечаток е дека овој план може да донесе многу позитивни ефекти“, рекол Трунда.
- Компанијата ФИФА Форвард Ентерпрајз би имала капитал од 20 милијарди долари кои би се распределиле на 211 членка на ФИФА. ФИФА би задржала мнозински контролен пакет а 20% од акциите би оделе на приватни инвеститори.
- Легендарниот италијански репрезентативец, Алесандро Неста преку суров пример само ја потврди очајната ситуација во која се наоѓа националниот тим на неговата земја.
- „Син ми кој има скоро 18 години, никогаш не ја гледал Италија на Светско. Кога ќе му кажам дека бевме светски прваци, тешко му е да поверува“, вели шампионот од Мундијалот 2006-та.
- За Неста, таа фраза сумира сè. Историска репрезентација, четири ѕвезди на градите, а сега цела генерација ја знае Италија само надвор од Мундијалите.
