Offside › Набрзинка

Бојан Миовски би можел да се врати кај што му беше најубаво

2 јуни 2025

Фото: Epa Images

По една не баш сјајна сезона во Жирона со која заигра и во историскиот настап на клубот во Лига на шампиони, македонскиот центарфор Бојан Миовски летово би можел да добие понуда да се врати онаму каде што играше во животна форма - во Шкотска.
И тоа не каде било туку во најтрофејниот шкотски гигант Селтик кој ќе игра во квалификациите за Лига на шампиони од последното 4. коло летово.
Бојан Миовски немаше баш сезона од соништата во Жирона и после неколку повреди не успеа да влезе во ритам па често беше и на клупата за резерви.
Претходно во Абердин Миовски постигна дури 44 гола и имаше 7 асистенции на 98 натпревари во шкотскиот фудбал.

извор

Македонец делегат на жешкото финале во Приштина

30 март 2026

Македонскиот делегат Филип Поповски ќе има задача во баражот за СП 2026 година, на еден од најжешките натпревари.
Косово ќе ѝ биде домаќин на Турција во Приштина, а Поповски ќе ја има улогата на делегат на финалниот меч на „Фадиљ Вокри“ на кој се очекува да крцаат трибините.
Главен судија ќе биде Мајкл Оливер од Англија. Мечот се игра на 31 март, со почеток од 20:45 часот.

извор

Кими Антонели победи на Ф1 трка во Јапонија и стана најмлад лидер во историјата

29 март 2026

Возачот на Мерцедес, Италијанецот Кими Антонели (19) е победник на трката за Големата награда на Јапонија, трета овосезонска трка од шампионатот Формула 1.
Младиот Италијанец роден во Болоња, на легендарната патека „Сузука“ ја прослави втората победа по ред откако славеше на претходната трка во Кина. Антонели победи со десетина секунди предност во однос на Оскар Пјастри од Мекларен, а на трето место заврши Шарл Леклер од Ферари.
Антонели сега стана најмлад лидер во историјата на Ф1, на возраст од само 19 години и 216 дена. Претходниот рекорд го држеше Луис Хамилтон од Ферари кој во 2007-ма како возач на Мекларен беше прв во генералниот пласман на само 22 години и 126 дена. Тогаш на крајот од сезоната Хамилтон заврши втор но од 2008-ма ја започна трофејната берба.
Трката во Јапонија ја одбележа тежок и страшен судар на возачот на Хас, Оливер Берман. Младиот Британец изгуби контрола над болидот и излета од патеката, прелета неколку метри и удри во заштитната ограда. За среќа возачот на Хас минал без посериозни повреди.

извор