Offside › Набрзинка

Бојан Богдановиќ оди во Детроит Пистонс, ќе заработи 22 милиони долари сезонава

23 септември 2022

Најдобриот хрватски кошаркар во последниве десетина години, Бојан Богдановиќ од Јута Џез заминува во Детроит Пистонс во трампата која што ја направија двете франшизи. Во спротивен правец одат Кели Олиник и Сабен Ли што од перспектива на Детроит изгледа одлично.
Пистонс ќе бидат дури петти НБА клуб на Богдановиќ после Бруклин, Вашингтон, Индијана и Јута. Беше меѓу главните играчи на „џезерите“ лани со 18,1 поен и 4,3 скока во просек по натпревар.
Богдановиќ во 2005-та дојде во Реал Мадрид на само 16 години како најголем европски талент во тоа време. После го пратија на калење во ХКК Зрињски Мостар и Мурсија. За Реал Мадрид дебитираше во Лига Ендеса на 4 ноември 2007-ма а одигра само три меча во шпанска лига и еден во Евролига. Во 2009-та замина во Цибона од каде после четири сезони се пресели во Фенербахче. На 25 години во 2014-та отиде во НБА.

извор

Нова маркација на планинарските патеки на Шар Планина кои беа оштетени годинава

30 октомври 2026

На потегот од Попова Шапка до Титов Врв на Шар Планина се поставени нови ознаки и патокази кои беа оштетени во август годинава, информираат од службата за односи со јавност при „Славков проект – Обележување на планинарски патеки во Македонија“, поддржан од амбасадите на Австрија, Чешка и Словачка.
Од „Славков проект“ информираат дека по промоцијата следува и промотивно планирање со локални планинарски организации (повеќето од нив партнери во проектот), како и љубители на природата.
„Групата ја предводеа локални планинари, заедно со врвниот чешки алпинист Марек Холечек – добитник на престижната награда ‘Златен цепин’ (Piolet d’Or) во два наврати и специјален гостин на тековниот филмски фестивал ‘EХO’ во Скопје“, се вели во соопштението.

извор

Изненадување од Аеродром: МЗТ Скопје го отпушти Васко Атанасов

30 октомври 2026

Шампионот на Македонија, МЗТ Скопје Аеродром објави дека ја заврши соработката со досегашниот тренер Васко Атанасов. Оваа одлука доаѓа по серијата порази, од кои последниот од Струмица во Суперлигата на Македонија
Клубот соопшти дека соработката е раскината спогодбено со договор на двете страни. Од МЗТ му се заблагодарија на Атанасов за сработеното во клубот.
Васко Атанасов беше на чело на „штрковите“ од 2023 година кога седна на клупата и со доста успех го водеше тимот. Тој стана најмладиот стратег кој го освои пехарот во македонската кошарка, четири пати беше национален првак, а освои и по три Куп и Суперкуп-трофеи.

извор