- Само пет месеци откако замина во саудиски Ал Ахли од Ливерпул каде играше цели осум години, Бразилецот Роберто Фирмино сега е на праг да се врати во Англија.
- Бразилскиот центарфор со црвените освои полн кабинет трофеи: Премиер лига, Лига на шампиони, ФА Куп, Лига Куп, УЕФА Супер Куп и Светско клупско првенство. Откако и двете страни се презаситија, Фирмино направи богат трансфер во Саудиска Арабија.
- Сега сака да се врати во Европа а веќе интерес пројавиле Шефилд Јунајтед кој грчевито се бори за опстанок во Премиер лига и Фулам. Интересно тој тргна блескаво во Саудиска Арабија, уште на првиот меч беше капитен на екипата и постигна хет-трик, ама остана на тие три гола на следните 19 меча со што не ги задоволил ни тренерот ни клупските челници.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
