Offside › Набрзинка

Бобан си оди од УЕФА поради недоразбирања со Чеферин

25 јануари 2024
  • Легендарниот хрватски фудбалер и фунцкионер, ја напушти функцијата шеф за фудбалски прашања во УЕФА. Тој важеше за најблизок соработник и десна рака на претседателот на УЕФА Словенецот Александар Чеферин, но во последно време ја расипале калимерата.
  • Хрватски Гол.хр пишува дека несогласувањата внатре во УЕФА настанале откако Чеферин запнал да го промени статутот на УЕФА со цел да остане подолго на должноста односно да биде избран за уште еден нов мандат.
  • „Со тага и тешко срце, немам друг избор освен да ја напуштам УЕФА. Не пробувам да бидам некој вид херој, особено што не сум сам во своите размислувања тука“, рекол Бобан чие заминување значи дека во УЕФА дефинитивно нешто не штма. Чеферин кој е адвокат по професија, е прв човек на УЕФА од 2016-та година. Според статутот, претседател на УЕФА може да има максимален мандат од 12 години.
извор

Десет „Златни топки“ гостувале во Македонија, ги знаете ли кои се?

29 октомври 2026
  • Хари Кејн е најновата „Златна топка“ во светскиот фудбал, а со тоа кога ќе ја согледаме историјата, тој стана десеттиот играч кој ја освоил оваа престижна награда, а љубителите на фудбалот имале шанса да го гледаат на терените во нашата земја.
  • Центарфорот беше гостин во Македонија со екипата на Тотенхем кога играше против Шкендија, како и со репрезентацијата на Англија. Од 1991 па наваму, од осамостојувањето на Македонија, уште девет играчи биле тука.
  • Тоа се Кристијано Роналдо со У21-тимот на Португалија, Павел Недвед со Чешка, Андреј Шевченко со Украина, Лука Модриќ со Хрватска и Реал Мадрид, Карим Бензема со Реал Мадрид, Мајкл Овен со Англија, тие се како играчи, а како тренери тука биле Зинедин Зидан со Реал Мадрид, Христо Стоичков со Бугарија и Марко ван Бастен со Холандија.

  • Од Македонија само еден фудбалер конкурирал за „Златната топка“. Тоа е Дарко Панчев, кој во историската сезона со Црвена Звезда во 1991 година дојде до „Сребрената топка“, односно второто место.

  • Од останатите, Родри и Усман Дембеле имаат играно против Македонија, но во У21-тимовите, надвор од нашите граници.

извор

Страшната трагедија во Шпанија со судирот на возови ги одложи натпреварите од Кралскиот Куп

28 октомври 2026
  • Голема трагедија во Шпанија денес ја потресе Европа откако два воза се судриле директно при што настрадале најмалку 30 лица а 179 се повредени. Поради тоа сите јавни настани во земјата се одложени.
  • Шпанската кралска фудбалска федерација ги одложила сите натпревари од Купот на Кралот. Во раната фаза вечерва и утре требаше да се одиграат повеќе натпревари меѓу кои и оној на Валенсија на нашиот Столе Димитриевски.
  • Трагедијата настанала поради човечка грешка, откако сервисер на железницата не сигнализирал според правилата дека на шините веќе има друг воз.

 

извор

Штета ако сте пропуштиле

Дали помисливте на ова пред да купите стан?

Историски настани што се случиле во ист период

Смртта на демократијата започнува кај гласачката кутија

Директно со градоначалникот