- УС Опен почна, веќе има и неколку изненадувања. Испадна четвртиот носител Стефанос Циципас а испадна и седмата тенисерка на ранг листата, Симона Халеп и тоа од квалификантка.
- Но уште се води дебата околу случајот Ѓоковиќ кој поради тоа што не е вакциниран не доби дозвола за влез во САД.
- На новинарско прашање на Стив Дуси од Фокс „како нелегални мигранти влегуваат во земјата невакцинирани а еден тенисер од светска класа не може“, секретарката за медиуми во Белата куќа, Карин Жан-Пјер рекла: „Кој тенисер од светска класа?“, а кога добила одговор, продолжила: „Кога веќе ме прашувате за него, списите се доверливи според законот на САД, поради тоа Владата не може да одговара на прашања за индивидуални случаи и барања за виза“.
- После две години молк и прекинување контакт со родната земја, легендарната Јелена Исинбаева стапна во Русија, а причината е смртта на нејзиниот долгогодишен тренер Евгениј Трофимов, под чие водство стигна до врвни успеси во атлетиката.
- По завршувањето на кариерата, Русинката ја нарекуваа „миленичка на Путин“ и беше поврзувана со вооружените сили и Министерството за одбрана, каде стана офицер во руската армија.
- Украинскиот претседател Володимир Зеленски ја стави на списокот на луѓе на кои им е забранет влез во земјата и на кои им е конфискуван целиот имот на украинска територија.
- Исинбаева ги негираше тврдењата за нејзините активности во руската армија, по што се соочи со осуда од руската јавност која набрзина ја прогласи за предавник.
- Во мај 2022 Исинбаева се пресели во Шпанија и така за кратко време стана непријател и во Украина и во Русија.
- Некогашниот фудбалер на Партизан, Фиорентина, Интер, Рома, Торино, Бешикташ, реши пред залезот на својата богата кариера да се врати во својот роден град, Нови Пазар и да заигра за истоимениот фудбалски клуб во српската Супер лига.
- Адем Љајиќ неколку пати кажа дека имал желба да се врати во својот град и да заигра за своја душа.
- За Нови Пазар одбил бројни милионски понуди а во градот е јавна тајна дека игра без „динар надомест“ од клубот. Со капитенска лента околу раката го води клубот и сезонава а целта им е да влезат во плејоф на српската лига.
