- Барселона игра врвна сезона под водство на германскиот тренер Ханси Флик. Каталонците се први во Ла Лига со 4 бода предност пред најголемиот ривал Реал Мадрид. Во Лига на шампиони сеат страв откако му дадоа 7 гола на Њукасл и ќе играат против Атлетико Мадрид на Симеоне во четвртфинале (8/14 април).
- На домашен терен Барселона сезонава има 15 победи на 15 натпревари и тоа е неверојатен успех особено ако се земе предвид дека играа дома на 3 места, на стадиончето „Јохан Кројф“ каде игра нивниот Б тим додека „Камп Ноу“ се реновираше, на „Олимпискиот стадион“ на Монжуик и сега веќе неколку натпревари на реновираниот „Камп Ноу“.
- Барселона славеше дома против Валенсија, Хетафе, Реал Сосиедад, Жирона, Елче, Атлетик Билбао, Алавес, Атлетико Мадрид, Осасуна, Овиедо, Мајорка, Леванте, Виљареал, Севиља и Рајо Ваљекано.
- Им остануваат уште 4 натпревари на домашен терен до крајот: Еспањол, Селта Виго, Реал Мадрид и Бетис за да комплетираат чудесен низ од 19 победи на 19 натпревари!
- Најголемото изненадување во италијанскиот фудбал во последниве неколку години, клубот Комо троши огромни средства за засилувања но и првпат во историјата влегоа во Лига на шампиони.
- Во Италија само Јувентус, Милан и Наполи потрошиле повеќе од Комо во последните три години. Исход? Комо во само седум години се искачи од најниската точка на италијанскиот фудбал - Серија Д (аматерски фудбал) до Лига на шампиони.
- Сопственик на Комо е семејството Хартоно од Индонезија кои важат за едни од најбогатите луѓе на светот. Откако влегле во Серија А во сезоната 2024/2025, Комо потрошил досега 342 милиони евра на нови засилувања.
- Притоа во оваа сума не влегуваат платите на играчите, плус 5 милиони инвестиција во реновирање на тренинг центарот Моѕате и најглавно - модернизација на стариот и веќе истрошен стадион „Синигаља“.
- Поради ова УЕФА не му дозволи на Комо да игра на својот стадион Лига на шампиони домашни натпревари, туку ќе ги игра во друг град, најверојатно на Мапи Стадионот на Сасуоло во Реџо Емилија.
- Голем скандал го потресува Европското првенство во спортска гимнастика кое во четврток почнува во Загреб. Хрватска нема да ја прими руската репрезентација во цел состав зошто на дури 9 членови не им била одобрена виза за влез и престој во земјата.
- Меѓу оние кои ќе го пропуштат Европското првенство е и Ангелина Мељникова, најголемата ѕвезда на светската гимнастика.
- Мељникова (26) во кариерата освои три светски титули, олимписко злато на Олимписките Игри во Токио во 2021-ва. Виза не добила уште една олимпијска шампионка, Русинката Викторија Листунова.
- „Селективно издавање визи претставува елиминација на еден од главните конкуренти“, рекле од Рускиот гимнастичарски сојуз.
- Ним велат најпроблематично е што не добиле баш никакво образложение зошто визите се одбиени на 9 члена на репрезентацијата на Русија.
- Турнирот во Загреб ќе трае до 23 август и ќе има околу 600 натпреварувачи.
