- Капитенот на Црна Гора, Стефан Савиќ по 9 години го напушта Атлетико Мадрид и влегува во турска авантура во тимот на Трабзонспор.
- Командантот на одбраната на Атлетико се приклучува во балканската колонија кај Едис Барди (Македонија), Един Вишче (БиХ), Борна Баришиќ (Хрватска).
- 33 годишниот Савиќ освои двојна круна со Партизан и Манчестер Сити, потоа настапуваше за Фиорентина, а во тимот на Диего Симеоне освои Ла Лига, Лига Европа и Супер Куп на Европа.
- Иако договорот со Атлетико му важеше до следната година, тој се спогоди со клубот и потпиша договор со Трабзонспор на три години.
- Големиот кошаркарски стратег, Светислав Пешиќ се приклучи кон одбележувањето на 80-годишнината од формирањето на Работнички, а во оваа прилика и откри дека малку фалело да го облече дресот на нашиот најтрофеен клуб.
- „Малку требаше и малкумина знаат дека требаше да станам играч на Работнички. Во времето додека настапував за Пирот во Втора лига Исток, исто како и Работнички. Легендарниот Лазар Лечиќ ме повика во Скопје, ми покажа каде ќе живеам и ми вети дека сигурно ќе завршам Економски факултет. Секогаш се прашував зошто мене ме вика кога ги има најдобрите кошаркари на надворешните позиции. Можеби затоа се свртев кон Белград и заминав во Партизан“, открива Пешиќ.
- Според неговата биографија станува збор за период од 1967 година кога легендарниот кошаркар и тренер се пресели од Пирот во Партизан. Во белградскиот клуб помина четири сезони, а потоа уште осум во Босна со која во 1979 година стана европски шампион и ја заврши кариерата.
- Новинарот Живко Здравковски забележува дека големиот Кари Пешиќ е единствен селектор во историјата кој освоил европски и светски златни медали во младинските (со СФРЈ бил европски првак до 16 години и до 18 години, светски првак до 19 години) и сениорските категории на ФИБА (со СРЈ и Германија бил европски и со СРЈ бил светски првак).
- Единствен селектор е во историјата на кошарката кој го освоил Евробаскетот со две различни репрезентации: со Германија во 1993-та година и со СР Југославија во 2001-та.
- Единствен селектор е во историјата кој освоил злато на светските првенства и на јуниорско ниво (до 19 години во 1987 година во Бормио, Италија) и на сениорско ниво (во 2002 година, во Индијанаполис, САД). Со Србија освои олимписка бронза во 2024-та година и светско сребро во 2022.
- „Оваа година за прв пат ќе организираме Светско првенство за играчи до 15 години. Сите 211 членки на ФИФА се поканети да учествуваат. Ќе биде како фестивал за деца, каде што повеќе од 4.000 деца ќе играат фудбал заедно“, изјави Џани Инфантино
- Првиот човек на ФИФА, ја искористи шансата да го одбрани економскиот модел што го смета за суштински за градење вакви настани.
- „Затоа ни се потребни овие ресурси, спонзорите, радиодифузерите и сè што е во наша моќ, за да реинвестираме 100% од она што го заработуваме во играта“, стремејќи се да го направиме фудбалот навистина глобален, во секој агол од светот“.
- Во коментарите на социјалните мрежи има предлог на Мундијалот 2038 да бидат вклучени сите 9 планети.
