- Венсан Компани (38) отпатувал утрово од аеродром од Англија кон Минхен со цел да го финализира и потпише договорот со Баерн Минхен. Баварците конечно после долга претрага, пронајдоа нов тренер, наследник на Томас Тухел.
- Венсан Компани ја почна кариерата во Андерлехт, потоа играше во Хамбургер а се прослави во Манчестер Сити каде стана препознатлив капитен, одигра 265 меча со 18 погодоци. Освои голем број трофеи со Сити.
- По крајот на кариерата, Компани, кој се смета за еден од најшколуваните и најобразувани фудбалери, заплива во тренерски води. Во 2020-та стана тренер на Андерлехт, неговиот матичен клуб но поради бројни проблеми во овој клуб замина.
- Во 2022-ра стана тренер на Барнли кој испадна во втора лига и за само една сезона веднаш експресно го врати во Премиер лига и беше избран за најдобар тренер на годината во Чемпионшип лани. Ама веднаш испаднаа назад во втора лига откако сезонава завршија претпоследни на табела со дури 24 порази.
- Сега ќе се докажува на најголема сцена како тренер на Баерн Минхен.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
