Offside › Набрзинка

Андријана Будимир ја внесе Војводина во прва лига

26 мај 2026

Легендарната ракометарка на Кометал Ѓорче Петров обезбеди пласман во АРКУС лигата, откако Војводина во баражот за влез во елитата го совлада убедливо Железничар со 38:18.
Будимир е ангажирана како тренер на Војводина од управата предводена од Тања Медвед, која исто така е поранешна ракометарка на Кометал.
Стана прва жена тренер во машката репрезентација на Македонија У-17, како и прва во машки сениорски тим, а тоа е Скопје. Тренерската кариера ја почна во академијата на Вардар.

Цепелинот во режија на Кастратовиќ - Будимир по кој еруптираше вулканот Кале

извор

Дамјан Стојановски 11+11

25 мај 2026

Дамјан Стојановски испиша нова страница во македонската кошаркарска историја. Стана најтрофеен кошаркар со 11 првенствени титули, сите со МЗТ. Огнен Стојановски и Марјан Ѓуров имаат по 10, Бојан Kрстевски 7.
Дамјан претходно сезонава стана и најтрофеен кошаркар во Купот на Македонија, каде исто така стигна до 11 трофеи.
Кошаркарите на МЗТ Скопје остануваат неприкосновен владетел во македонската кошарка со 13 титули, откако го решија Маџари во финалната серија со 3:0. За МВП е прогласен Војдан Стојановски.

извор

Аталанта продаде играч во Манчестер Јунајтед за 50+ милиони евра

22 мај 2026

Манчестер Јунајтед на крајот одигра сјајна завршница на сезоната во Премиер лига и заслужено заврши трет па ќе се врати конечно во Лига на шампиони каде му е место.
Најтрофејниот англиски клуб конечно живна по смената на Рубен Аморим, заигра како треба со Мајкл Карик кој дојде како привремено решение односно в.д. тренер и забележа бројни победи.
Сега летово ќе го освежуваат составот кој ќе треба да игра следната сезона на дури 4 фронта. Прво засилување ќе биде Бразилецот од среден ред на Аталанта Едерсон, соопштува Микеле Кришитело на Х.
Манчестер Јунајтед за него плаќа повеќе од 50 милиони евра, односно според договорот 48 милиони евра и 5 милиони евра низ бонуси. Едерсон не е повикан од Карло Анчелоти за Бразил за Светското првенство.
Едерсон во Италија дојде во јануари 2022 кога Валтер Сабатини го донесе во Салернитана од бразилски Коринтијанс за 6,5 милиони евра. Со 15 настапи, 2 гола и 1 асистенција ја заврши сезоната. Во Аталанта дојде во летото 2022-ра и од тогаш запиша 153 настапи во Серија А со 15 гола и 6 асистенции. Играше и во Лига на шампиони (2 гола и 1 асистенција) и во Лига Европа (1 гол). Освои Лига Европа минатата сезона со Аталанта.

извор