- Фудбалскиот сојуз на Албанија објави дека се кандидирал за организација на завршен турнир на Европско првенство за млади фудбалери до 21 година во 2027-ма година.
- Од фудбалскиот сојуз на Албанија додаваат и дека ќе му се обратат на фудбалскиот сојуз на Србија со желба двете федерации заеднички да организираат Европско затоа што немале доволно стадиони кои ги задоволуваат највисоките европски стандарди.
- Албанија во последните години бележи одлични резултати, се пласираа на две Европски првенства (2021 и 2024). Со сојузот кај нив раководи Арманд Дука кој е воедно и еден од потпретседателите на УЕФА. Тирана беше домаќин на финале на Лига Конференции во 2023 а во 2025-та ќе организира и Европско У-15.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
