Offside › Набрзинка

Адеми ги пропушта двата клучни квалификациски мечеви за СП

15 октомври 2021

Индекс пишува дека Аријан Адеми ќе пауза околу два месеци поради повредата на натпреварот Македонија - Германија, која ја заработи по половина час игра.
Според информациите од деталните прегледи во Загреб, се работи за тешка повреда на зглобот, која бара посложена рехабилитација, што значи дека е тешко за очекување да се врати пред зимската пауза.
Македонскиот репрезентативец ќе ги прескокне сите натпревари на Динамо Загреб во групната фаза од Лига Европа, како и двата последни квалификациски средби на Македонија против Ерменија и Исланд, кои се играат на 11 и 14 ноември.

16 септември 2026

Одбојкарската репрезентација на Македонија помалку го обели образот и со триумф го заврши своето четврто учество на европските првенства, совладувајќи го Израел со 3:0 во Софија, по сетови 25-21, 25-23 и 25-22.
Капитенот Никола Ѓорѓиев уште еднаш беше најдобар поединец во македонската репрезентација со 20 поени, пред Стојан Илиев со 14.
Единствената победа на шампионатот по четирите максимални порази ги искачи „црвено-жолтите“ на петтото место во групата Б, оставајќи ги Израелците зад нив и спречувајќи ги да се пласираат во осминафиналето.
Македонија претрпе 4 порази во групната фаза: од домаќинот Бугарија, од големиот фаворит за титулата Полска, од силната Украина и од Португалија. Со триумф над Израел Македонија со 1-4 го заврши учеството на четвртото Европско првенство по ред.

16 септември 2026

Во годината кога по речиси дведецениска пауза го освои Купот на Македонија, ФК Вардар забележа и успех на финансиски терен.
Приходот го зголеми за 544 насто, а добивката за 158 насто. Сепак, финансискиот семафор покажува дека фудбалскиот клуб сè уште игра тежок меч со наталожените обврски и загуби.
Вардар има вкупни обврски од 5,13 милиони евра. Сите се прикажани како краткорочни. Иако износот е намален во однос на состојбата од 2024 година и тогашните 6,43 милиони евра, сепак обврските и натаму се повеќе од 32 пати поголеми од вкупната актива.
Најголемиот дел се однесува на обврските по заеми и кредити од речиси 3 милиони евра, стои во анализата на pari.com.mk.